Bæjarstjórn

3444. fundur 20. nóvember 2018 kl. 16:00 - 17:15 Hamrar í Hofi
Nefndarmenn
  • Halla Björk Reynisdóttir forseti bæjarstjórnar
  • Dagbjört Elín Pálsdóttir
  • Andri Teitsson
  • Guðmundur Baldvin Guðmundsson
  • Heimir Haraldsson
  • Ingibjörg Ólöf Isaksen
  • Berglind Ósk Guðmundsdóttir
  • Eva Hrund Einarsdóttir
  • Rósa Njálsdóttir
  • Sóley Björk Stefánsdóttir
  • Þórhallur Jónsson
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir forstöðumaður upplýsinga- og þjónustudeildar ritaði fundargerð
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá
Berglind Ósk Guðmundsdóttir D-lista mætti í forföllum Gunnars Gíslasonar.
Heimir Haraldsson S-lista mætti í forföllum Hildu Jönu Gísladóttur.
Rósa Njálsdóttir M-lista mætti í forföllum Hlyns Jóhannssonar.

Í upphafi fundar bauð forseti þau Berglindi, Heimi og Rósu velkomin á þeirra fyrsta fund í bæjarstjórn.

1.Fjárhagsáætlun Akureyrarbæjar 2018 - viðauki

2017040095

Liður 3 í fundargerð bæjarráðs dagsettri 8. nóvember 2018:

Lagður fram viðauki 14.

Bæjarráð samþykkir framlagðan viðauka að upphæð kr. 19.031.000 og vísar honum til staðfestingar í bæjarstjórn.

Guðmundur Baldvin Guðmundsson tók til máls og kynnti innihald viðaukans.
Bæjarstjórn staðfestir ákvörðun bæjarráðs með 11 samhljóða atkvæðum.

2.Tengir - framkvæmdaleyfi fyrir ljósleiðara 2018

2018040037

Liður 6 í fundargerð skipulagsráðs dagsettri 14. nóvember 2018:

Erindi dagsett 30. október 2018 þar sem Steinmar H. Rögnvaldsson fyrir hönd Tengis hf., kt. 660702-2880, sækir um framkvæmdaleyfi fyrir lagningu ljósleiðara á svæðinu frá Lögmannshlíðarkirkju að Granaskjóli. Meðfylgjandi er uppdráttur sem sýnir fyrirhugaða legu ljósleiðarans.

Skipulagsráð hefur yfirfarið meðfylgjandi hönnunargögn vegna framkvæmda við lagningu ljósleiðara. Skipulagsráð leggur til við bæjarstjórn að framkvæmdaleyfið verði samþykkt með eftirfarandi skilyrði:

Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

Ingibjörg Ólöf Isaksen tók til máls og kynnti tillögu skipulagsráðs.
Bæjarstjórn samþykkir tillögu skipulagsráðs með 11 samhljóða atkvæðum.

3.Breyting á bæjarmálasamþykkt - viðauki

2018090120

Seinni umræða um breytingar á Samþykkt um stjórn og fundarsköp Akureyrarkaupstaðar. Fyrri umræða fór fram á fundi bæjarstjórnar 6. nóvember sl.

Halla Björk Reynisdóttir tók til máls og fór yfir helstu breytingar sem lagt er til að gerðar verði á samþykktinni.

Í umræðum tóku til máls Sóley Björk Stefánsdóttir, Ingibjörg Ólöf Isaksen og Halla Björk Reynisdóttir.
Bæjarstjórn samþykkir framlagða Samþykkt um stjórn og fundarsköp Akureyrarkaupstaðar ásamt viðauka með 11 samhljóða atkvæðum.

4.Stefna- og framkvæmdaáætlun barnaverndarnefndar Eyjafjarðar 2018-2022

2018090291

Stefna og framkvæmdaáætlun Barnaverndarnefndar Eyjafjarðar 2018-2022 lögð fram til umræðu.

Halla Björk Reynisdóttir tók til máls og fór yfir nokkra þætti stefnu og áætlunar.

Í umræðum tóku til máls Berglind Ósk Guðmundsdóttir, Eva Hrund Einarsdóttir, Dagbjört Elín Pálsdóttir, Sóley Björk Stefánsdóttir og Halla Björk Reynisdóttir.

5.Samkeppnishæfni Akureyrarbæjar gagnvart öðrum sveitarfélögum á atvinnumarkaði

2018110163

Umræða um samkeppnishæfni bæjarins á atvinnumarkaði að beiðni Berglindar Óskar Guðmundsdóttur D-lista.

Berglind Ósk tók til máls og reifaði nauðsyn þess að styrkja stöðu bæjarins á atvinnumarkaði og fjölga íbúum.

Í umræðum tóku til máls Andri Teitsson, Guðmundur Baldvin Guðmundsson, Sóley Björk Stefánsdóttir, Eva Hrund Einarsdóttir, Rósa Njálsdóttir, Heimir Haraldsson, Þórhallur Jónsson, Eva Hrund Einarsdóttir (í annað sinn), Guðmundur Baldvin Guðmundsson (í annað sinn) og Ingibjörg Ólöf Isaksen.
Eva Hrund Einarsdóttir D-lista, Þórhallur Jónsson D-lista og Berglind Ósk Guðmundsdóttir D-lista lögðu fram eftirfarandi bókun:

Við óskum eftir því að farið verði í vinnu við að gera samkeppnisgreiningu fyrir Akureyrarbæ til þess að nota til markaðssetningar á bænum, bæði á atvinnu- og íbúamarkaði.

6.Skýrsla bæjarstjóra

2010090095

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.
Eftirtaldar fundargerðir eru lagðar fram til kynningar:

Afgreiðslufundur byggingarfulltrúa 8. og 14. nóvember 2018
Bæjarráð 8. og 15. nóvember 2018
Frístundaráð 2. og 7. nóvember 2018
Fræðslunefnd 29. október 2018
Skipulagsráð 14. nóvember 2018
Stjórn Akureyrarstofu 15. nóvember 2018
Umhverfis- og mannvirkjaráð 9. nóvember 2018

Hægt er að nálgast fundargerðirnar á heimasíðu Akureyrarbæjar: https://www.akureyri.is/is/stjornkerfi/stjornsysla/fundargerdir

Fundi slitið - kl. 17:15.