Bæjarstjórn

Lögð fram tillaga V-lista um breytingu á skipan fulltrúa í barnaverndarnefnd:

Júlí Ósk Antonsdóttir tekur sæti Sigrúnar Sigurðardóttur.


Lögð fram tillaga Æ-lista um breytingu á skipan varamanns í bæjarráði:

Þorsteinn Hlynur Jónsson tekur sæti Áshildar Hlínar Valtýsdóttur.


Lögð fram tillaga S-lista um breytingu á skipan varamanns í skipulagsnefnd:

Tryggvi Gunnarsson tekur sæti Jóns Inga Cæsarssonar.

Lögð fram tillaga L-listans um tímabundna breytingu á skipan fulltrúa framboðsins í bæjarstjórn vegna töku fæðingarorlofs, svohljóðandi:

Silja Dögg Baldursdóttir bæjarfulltrúi L-lista mun verða í fæðingarorlofi á tímabilinu 10. mars til og með 10. júní 2016.

Á framangreindu tímabili mun Anna Hildur Guðmundsdóttir taka sæti hennar sem aðalmaður í bæjarstjórn þar sem Eva Reykjalín Elvarsdóttir fyrsti varamaður er í fæðingarorlofi.

6. liður í fundargerð skipulagsnefndar dagsett 9. mars 2016:

Tillaga að deiliskipulagsbreytingu var auglýst frá 22. desember 2015 með athugasemdafresti til 3. febrúar 2016. Auglýsingar birtust í Lögbirtingablaði og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar.

Íbúafundur var haldinn þann 28. janúar 2016 þar sem tillaga að skipulaginu var kynnt almenningi.

Ein athugasemd barst:

1) Miðbæjarsamtökin á Akureyri, dagsett 29. janúar 2016.

Alfarið er lagst gegn því að bílastæðum í miðbænum fækki frá því sem nú er. Ekki hugnast þeim að stækka bílastæðin neðan við Samkomuhúsið til að koma til móts við bílastæðaþörf. Ef þessi tillaga verður samþykkt þá er komið fordæmi fyrir að sleppa, eða minnka verulega fjölda bílastæða á reitnum austan Skipagötu. Það geta rekstraraðilar í miðbæ Akureyrar aldrei sætt sig við.

Ein umsögn barst:

1) Norðurorka, dagsett 5. febrúar 2016.

Engin athugasemd er gerð.


Helgi Snæbjarnarson L-lista bar upp vanhæfi sitt í þessu máli og var það samþykkt. Vék hann af fundi við umræður og afgreiðslu málsins.

Svar við athugasemd:

Í gildandi deiliskipulagi eru 212 almenn bílastæði og í auglýstri deiliskipulagstillögu er ekki verið að gera breytingar á þeim. Ákvæði Aðalskipulags Akureyrar 2005-2018 um eitt stæði á hverja íbúð segir að "almennt skuli gera ráð fyrir" og er því ekki afgerandi kvöð.


Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar.

11. liður í fundargerð skipulagsnefndar dagsett 24. febrúar 2016:

Lagt fram bréf Skipulagsstofnunar dagsett 4. desember 2015 þar sem óskað er eftir umsögn Akureyrarbæjar varðandi sameiginlegt mat Sprengisandslínu m.fl. Lagður fram tölvupóstur Skipulagsstofnunar dagsettur 4. febrúar 2016 þar sem umsagnarbeiðnin er ítrekuð. Lagður fram tölvupóstur Skipulagsstofnunar dagsettur 17. febrúar 2016 þar sem óskað er eftir afstöðu sveitarstjórnar.

Skipulagsnefnd telur að skilyrði laganna varðandi samráð við Akureyrarkaupstað sem leyfisveitanda séu uppfyllt.

Skipulagsnefnd vísar erindinu til afgreiðslu bæjarstjórnar.

1. liður í fundargerð velferðarráðs dagsett 2. mars 2016:

Drög að endurskoðuðum reglum um leiguíbúðir Akureyrarbæjar og sérstakar húsaleigubætur lagðar fram.

Velferðarráð samþykkir reglurnar fyrir sitt leyti og vísar þeim til bæjarstjórnar.

2. liður í fundargerð bæjarráðs dagsett 10. mars 2016:

2. liður í fundargerð velferðarráðs dagsett 2. mars 2016:

Dan Jens Brynjarsson fjármálastjóri Akureyrarbæjar og Jón Heiðar Daðason húsnæðisfulltrúi lögðu fram tillögu að gjaldskrá fyrir félagslegt leiguhúsnæði.

Velferðarráð samþykkir gjaldskrána fyrir sitt leyti og vísar málinu áfram til bæjarráðs.

Dan Jens og Jón Heiðar mættu á fund bæjarráðs undir þessum lið.

Bæjarráð samþykkir gjaldskrána og vísar henni til afgreiðslu bæjarstjórnar.

Starfsáætlun og stefnuumræða samfélags- og mannréttindaráðs.

Siguróli Magni Sigurðsson varaformaður samfélags- og mannréttindaráðs gerði grein fyrir starfsáætlun ráðsins.

Almenn umræða.

Eiríkur Björn Björgvinsson bæjarstjóri fór yfir helstu atriði í störfum sínum frá síðasta fundi bæjarstjórnar.