Bæjarráð

3451. fundur 12. mars 2015 kl. 08:30 - 09:45 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Gunnar Gíslason
  • Sóley Björk Stefánsdóttir
  • Margrét Kristín Helgadóttir áheyrnarfulltrúi
Starfsmenn
  • Heiða Karlsdóttir fundarritari
Dagskrá

1.Trúnaðarmál

2010090065

Trúnaðarmál.
Inga Þöll Þórgnýsdóttir bæjarlögmaður og Dan Jens Brynjarsson fjármálastjóri sátu fund bæjarráðs undir þessum lið.
Afgreiðsla færð í trúnaðarmálabók bæjarráðs.

2.Snægil 3b - kauptilboð

2015030036

1. liður í fundargerð stjórnar Fasteigna Akureyrarbæjar dagsett 6. mars 2015:
Lagt fram samþykkt kauptilboð í Snægil 3b sem á að verða hluti af félagslegu leiguíbúðakerfi Akureyrarbæjar.
Stjórn Fasteigna Akureyrarbæjar samþykkir kauptilboðið.
Dan Jens Brynjarsson fjármálastjóri sat fund bæjarráðs undir þessum lið.
Bæjarráð samþykkir framlagt kauptilboð.

3.Keilusíða 12f - kauptilboð

2015030060

2. liður í fundargerð stjórnar Fasteigna Akureyrarbæjar dagsett 6. mars 2015:
Lagt fram samþykkt kauptilboð í Keilusíðu 12f sem á að verða hluti af félagslegu leiguíbúðakerfi Akureyrarbæjar.
Stjórn Fasteigna Akureyrarbæjar samþykkir kauptilboðið.
Dan Jens Brynjarsson fjármálastjóri sat fund bæjarráðs undir þessum lið.
Bæjarráð samþykkir framlagt kauptilboð.

4.GáF ehf - hluthafafundur

2015030102

Erindi dagsett 7. mars 2015 frá Reinhard Reynissyni framkvæmdastjóra Atvinnuþróunarfélags Þingeyinga þar sem boðað er til hluthafafundar GáF ehf miðvikudaginn 11. mars nk. kl. 13:00 í stjórnsýsluhúsi Norðurþings á Húsavík.
Dan Jens Brynjarsson fjármálastjóri sat fund bæjarráðs undir þessum lið.
Bæjarráð staðfestir umboð Guðmundar Baldvins Guðmundssonar á hluthafafundinum.
Bæjarráð samþykkir hlutafjáraukningu að upphæð kr. 4.022.384 og að afsala jafnframt öllu hlutafé Akureyrarbæjar í GáF ehf, kt. 550612-1190, til Atvinnuþróunarfélags Eyjafjarðar bs og Atvinnuþróunarfélags Þingeyinga hf í jöfnum hlutföllum. Hlutafénu er afsalað án endurgjalds.

5.Norðurorka - aðalfundur

2015030097

Erindi dagsett 6. mars 2015 frá Helga Jóhannessyni framkvæmdastjóra Norðurorku hf þar sem boðað er til aðalfundar Norðurorku hf 27. mars nk. kl. 14:00 í Hofi, Akureyri.
Bæjarráð felur Guðmundi Baldvini Guðmyndssyni formanni bæjarráðs að fara með umboð Akureyrarbæjar á aðalfundinum.

6.Íþróttafélagið Þór - ósk um styrk vegna 100 ára afmælis félagsins

2015020184

Erindi dagsett 30. janúar 2015 frá framkvæmdastjóra Íþróttafélagsins Þórs þar sem óskað er eftir 2,5 millj. kr. fjárstuðningi í tilefni af 100 ára afmæli félagsins á þessu ári.
Bæjarráð samþykkir að veita Íþróttafélaginu Þór styrk að upphæð kr. 1,5 millj. kr. vegna 100 ára afmæli félagsins. Færist af styrkveitingum bæjarráðs.

7.Viðtalstímar bæjarfulltrúa - fundargerð

2014100184

Lögð fram til kynningar fundargerð viðtalstíma bæjarfulltrúa dagsett 26. febrúar 2015. Fundargerðin er í 1 lið.

8.Tillaga til þingsályktunar um seinkun klukkunnar og bjartari morgna, 338. mál

2015020179

Lagt fram til kynningar erindi dagsett 26. febrúar 2015 frá velferðarnefnd Alþingis þar sem óskað er umsagnar um tillögu til þingsályktunar um seinkun klukkunnar og bjartari morgna, 338. mál. Þess er óskað að undirrituð umsögn berist eigi síðar en 18. mars 2015 á netfangið nefndasvid@althingi.is. Þingskjalið er hægt að sækja á vef Alþingis: http://www.althingi.is/altext/144/s/0421.html

9.Tillaga til þingsályktunar um mat á heildarhagsmunum vegna hvalveiða, 34. mál

2015020182

Lagt til kynningar erindi dagsett 27. febrúar 2015 frá efnahags- og viðskiptanefnd Alþingis þar sem óskað er umsagnar um tillögu til þingsályktunar um mat á heildarhagsmunum vegna hvalveiða, 34. mál. Þess er óskað að undirrituð umsögn berist eigi síðar en 18. mars 2015 á netfangið nefndasvid@althingi.is. Þingskjalið er hægt að sækja á vef Alþingis: http://www.althingi.is/altext/144/s/0034.html

10.Hverfisnefnd Oddeyrar - fundargerðir 2015

2015010103

Lögð fram fundargerð 58. fundar hverfisnefndar Oddeyrar dagsett 3. mars 2015.
Fundargerðina má finna á vefslóðinni:
http://www.akureyri.is/is/stjornkerfid/hverfisnefndir/oddeyri/fundargerdir
Bæjarráð vísar 1., 3., 4. og 5. lið til skipulagsdeildar, 7. lið til Fasteigna Akureyrarbæjar, 8. lið til framkvæmdadeildar, 2., 6. og 9. liður eru lagðir fram til kynningar í bæjarráði.

11.Hverfisnefnd Naustahverfis - fundargerðir 2015

2015010102

Lagðar fram fundargerðir 65. og 66. fundar hverfisnefndar Naustahverfis dagsettar 17. febrúar og 3. mars 2015.
Fundargerðirnar má finna á netslóðinni: http://www.akureyri.is/is/stjornkerfid/hverfisnefndir/naustahverfi/fundargerdir
Bæjarráð vísar 3. og 4. lið fundargerðar 65. fundar til framkvæmdadeildar, 1. og 2. liður eru lagðir fram til kynningar í bæjarráði.
Bæjarráð vísar 2. og 3. lið fundargerðar 66. fundar til framkvæmdadeildar, 4. lið til íþróttaráðs, 1. liður er lagður fram til kynningar í bæjarráði.

12.Hverfisnefnd Síðuhverfis - fundargerðir 2015

2015010084

Lögð fram 41. fundargerð hverfisnefndar Síðuhverfis dagsett 24. febrúar 2015. Fundargerðina má finna á vefslóðinni: http://www.akureyri.is/is/stjornkerfid/hverfisnefndir/siduhverfi/fundargerdir
Bæjarráð vísar 3., 4. og 5. lið auk annarra mála til framkvæmdadeildar, 1. og 2. liður eru lagðir fram til kynningar í bæjarráði.

13.Samband íslenskra sveitarfélaga - 29. landsþing

2015010220

Lagt fram til kynningar erindi dagsett 2. mars 2015 frá Sambandi íslenskra sveitarfélaga er varðar boðun 29. landsþings Sambandsins sem haldið verður föstudaginn 17. apríl nk. í Salnum í Kópavogi og hefst kl. 10:00.

14.Stjórn Sambands íslenskra sveitarfélaga - fundargerðir 2015

2015010106

Lögð fram til kynningar fundargerð 826. fundar stjórnar Sambands íslenskra sveitarfélaga dagsett 27. febrúar 2015. Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx

Fundi slitið - kl. 09:45.