Bæjarráð

Soffía Lárusdóttir framkvæmdastjóri búsetudeildar mætti á fund bæjarráðs undir þessum lið.

6. liður í fundargerð félagsmálaráðs dagsett 20. ágúst 2014:
Halldór Sigurður Guðmundsson framkvæmdastjóri ÖA og Soffía Lárusdóttir framkvæmdastjóri búsetudeildar, ásamt forstöðumanni dagþjónustu aldraðra í Víðilundi lögðu fram minnisblað dagsett 18. ágúst 2014 með tillögu um að stjórn dagþjónustu aldraðra á Akureyri verði öll færð undir stjórn Öldrunarheimila Akureyrar.
Félagsmálaráð samþykkir tillöguna og leggur til við bæjarráð að stjórn dagþjónustu aldraðra á Akureyri verði öll færð undir stjórn Öldrunarheimila Akureyrar.
Soffía Lárusdóttir framkvæmdastjóri búsetudeildar sat fund bæjarráðs undir þessum lið.

9. liður í fundargerð félagsmálaráðs dagsett 20. ágúst 2014:
Rekstrarsamningur um rekstur Lautar, athvarfs fyrir fólk með geðraskanir, rennur út 31. ágúst 2014. Soffía Lárusdóttir framkvæmdastjóri búsetudeildar kynnti málið og óskar heimildar félagsmálaráðs til að framlengja samninginn til 31. desember 2014.
Félagsmálaráð óskar eftir heimild bæjarráðs fyrir aukafjárveitingu að upphæð kr. 3.707.760 þannig að hægt verði að tryggja rekstur Lautarinnar út rekstrarárið. Að fengnu samþykki bæjarráðs hefur framkvæmdastjóri búsetudeildar heimild til að framlengja samninginn til 31. desember 2014. Félagsmálaráð telur brýnt að lausn verði fundin á rekstri Lautarinnar til framtíðar og felur formanni félagsmálaráðs og framkvæmdastjóra búsetudeildar að vinna málið áfram.
Soffía Lárusdóttir framkvæmdastjóri búsetudeildar sat fund bæjarráðs undir þessum lið.

Helgi Jóhannesson forstjóri Norðurorku og Sigurður J. Sigurðsson sviðsstjóri þjónustu- og fjármálasviðs Norðurorku mættu á fund bæjarráðs undir þessum lið og kynntu stöðu og horfur í rekstri fyrirtækisins.

Lagður fram tölvupóstur dagsettur 8. maí 2014 frá Magnúsi Rúnari Árnasyni fyrir hönd Árna Magnússonar vegna fyrirhugaðar sölu á erfðafestulandi nr. 508 og forkaupsréttar Akureyrarbæjar á landinu.
Inga Þöll Þórgnýsdóttir bæjarlögmaður sat fund bæjarráðs undir þessum lið.

1. liður í fundargerð skipulagsnefndar dagsett 20. ágúst 2014:
Skipulagstillagan var auglýst frá 25. júní með athugasemdafresti til 6. ágúst 2014. Auglýsingar birtust í Lögbirtingablaði og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar.
Umsögn Norðurorku barst 13. ágúst 2014 og eru engar athugasemdir gerðar.
Engin athugasemd barst.
Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 1. júlí 2014.

1. liður í fundargerð íþróttaráðs dagsett 21. ágúst 2014:
Umræður og kynning á viðmiðum og vinnureglum íþróttaráðs vegna styrkja og viðurkenninga.
Íþróttaráð vísar viðmiðum og vinnureglum sínum til bæjarráðs til kynningar.

Lögð fram drög að fundaáætlun bæjarráðs fyrir tímabilið september til desember 2014.