Bæjarráð

Farið yfir stöðu rekstrar Leikfélags Akureyrar.
Þórgnýr Dýrfjörð framkvæmdastjóri Akureyrarstofu mætti á fundinn undir þessum lið.

Rætt um gæludýrahald í íbúðum í eigu Akureyrarbæjar. Jón Heiðar Daðason húsnæðisfulltrúi á húsnæðisdeild mætti á fundinn undir þessum lið og fór yfir málið.

Rætt um áhrif kjarasamninga á samning við dagforeldra.
Lagt fram minnisblað bæjarlögmanns dags. 15. ágúst 2011.
Inga Þöll Þórgnýsdóttir bæjarlögmaður sat fundinn undir þessum lið.

2. liður í fundargerð skipulagsnefndar dags. 10. ágúst 2011:
Erindi dags. 4. júlí 2011 þar sem Skipulagsstofnun óskar eftir umsögn frá skipulagsnefnd Akureyrarkaupstaðar um meðfylgjandi drög að reglugerð um landsskipulagsstefnu er verður kafli í nýrri skipulagsreglugerð. Umsögnin þarf að berast eigi síðar en 15. ágúst 2011.
Skipulagsstjóra og formanni skipulagsnefndar er falið að fullgera umsögn um drög að reglugerð um landsskipulagsstefnu í samræmi við umræður á fundinum.

Lögð fram til kynningar í bæjarráði fullgerð umsögn skipulagsstjóra og formanns skipulagsnefndar.

9. liður í fundargerð félagsmálaráðs dags. 10. ágúst 2011:
Lögð fram drög að breytingum á reglum um félagslega liðveislu til samræmis við breytingar á lögum um málefni fatlaðs fólks nr. 59/1992 og lög um félagsþjónustu sveitarfélaga nr. 40/1991. Frestur umsækjenda til að áfrýja ákvörðun félagsmálaráðs til úrskurðarnefndar félagsþjónustu og húsnæðismála lengist úr fjórum vikum í þrjá mánuði.
Félagsmálaráð samþykkir breytinguna og vísar málinu áfram til bæjarstjórnar.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 9. lið fundargerðar bæjarstjórnar 7. júní 2011.

10. liður í fundargerð félagsmálaráðs dags. 10. ágúst 2011:
Lögð fram drög að breytingum á reglum um ferliþjónustu til samræmis við breytingar á lögum um málefni fatlaðs fólks nr. 59/1992 og lög um félagsþjónustu sveitarfélaga nr. 40/1991. Frestur umsækjenda til að áfrýja ákvörðun félagsmálaráðs til úrskurðarnefndar félagsþjónustu og húsnæðismála lengist úr fjórum vikum í þrjá mánuði.
Félagsmálaráð samþykkir breytinguna og vísar málinu áfram til bæjarstjórnar.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 9. lið fundargerðar bæjarstjórnar 7. júní 2011.

Lagt fram til kynningar bréf dags. 2. ágúst 2011 frá Hjörleifi Erni Jónssyni skólastjóra Tónlistarskólans á Akureyri þar sem hann fyrir hönd stjórnar Tónlistarskólans vill þakka sérstaklega þann stuðning sem verkefnið Tónlistarvinnuskólinn fékk frá bænum nú í sumar og vonast er innilega til þess að framhald verði á því að ári. Tónlistarskólinn kom ekki beint að verkefninu en stjórn skólans hefur fengið sérlega góð viðbrögð við því frá sínum nemendum sem tóku þátt og foreldrum þeirra. Verkefnið sýnir að mati stjórnar skólans skilning bæjarstjórnar á mikilvægi atvinnusköpunar innan hinna skapandi greina og fagnar því að bæjarstjórn Akureyrar leggi metnað sinn í að viðurkenna og styðja við hæfileika ungs athafnafólks.

Lögð fram tillaga L-listans um breytingu á skipan fulltrúa framboðsins í íþróttaráði:

Helga Guðrún Eymundsdóttir tekur sæti aðalmanns í stað Silju Daggar Baldursdóttur.

Lagt fram til kynningar yfirlit um rekstur aðalsjóðs frá janúar til júní 2011.

Hrafnhildur Sigurðardóttir leikskólafulltrúi mætti á fund bæjarráðs og fór yfir stöðu mála vegna yfirvofandi verkfalls leikskólakennara.