Bæjarráð

Bæjarráð þakkar flugvallarstjóra Akureyrarflugvallar fyrir kynninguna.

Akureyrarbær fagnar vinnu Isavia við nýja RNP flugferla úr suðri við Akureyrarflugvöll.

Bætt aðgengi er öryggismál og einn af lykilþáttum þess að reglubundið millilandaflug til Akureyrar gangi upp. Það styrkir ferðaþjónustu á Norðurlandi og er mikilvægt fyrir samfélagið allt.

Akureyrarbær leggur áherslu á að verkefninu verði hraðað eins og kostur er, þannig að ný aðflug úr suðri verði virk þegar á haustmánuðum.

Bæjarráð felur sviðsstjóra mannauðssviðs að auglýsa eftir tilnefningum vegna mannréttindaviðurkenningar Akureyrarbæjar 2024.

Bæjarráð samþykkir tillögu að breytingu á útfærslu styttingar vinnuviku félagsmanna í Kili sem starfa í Hlíðarskóla með gildistíma frá 11. mars 2024.

Afgreiðsla málsins er trúnaðarmál og er færð í trúnaðarmálabók bæjarráðs.

Bæjarráð samþykkir umsóknina sem gerir ráð fyrir 12% stofnframlagi Akureyrarbæjar.

Bæjarráð samþykkir samninginn og felur bæjarstjóra að undirrita hann.

Bæjarráð samþykkir að Héraðsskjalasafnið á Akureyri verði stofnaðili að Miðstöð héraðsskjalasafna um rafræna skjalavörslu.

Bæjarráð samþykkir að styrkja Vini Akureyrar um kr. 2.000.000 vegna hátíðarinnar Einnar með öllu árið 2024 auk vinnuframlags frá umhverfismiðstöð og felur forstöðumanni atvinnu- og menningarmála að ganga frá samningi þess efnis.

Bæjarráð samþykkir framlagða tillögu að heiðursviðurkenningum en tilkynnt verður um valið á Vorkomu Akureyrarbæjar á sumardaginn fyrsta.

Bæjarráð samþykkir framlagða tillögu um áframhaldandi tilraunaverkefni lýðheilsukorts til og með 1. maí 2025, en samþykkir að bæta við áskriftarleið fyrir einstaklinga frá og með 1. maí 2024. Bæjarráð felur forstöðumanni íþróttamála að vinna málið áfram.

Bæjarráð felur bæjarstjóra að fara með atkvæði Akureyrarbæjar á fundinum.

Bæjarráð vísar til samþykktrar tillögu bæjarstjórnar frá 19. mars sl. varðandi sama mál:

Þrátt fyrir að skiptar skoðanir séu á því fyrirkomulagi sem lagt var til grundvallar aðkomu hins opinbera að kjarasamningum á almennum vinnumarkaði, þá er ljóst að niðurstaða um langtímasamninga hefur náðst og markmið þeirra um að stuðla að minnkun verðbólgu, lækkunar vaxta sem og að auka kaupmátt heimila í landinu er mikilvæg. Akureyrarbær mun því í samræmi við áskorun Sambands íslenskra sveitarfélaga endurskoða gjaldskrárhækkanir sem tóku gildi um síðustu áramót er varða barnafjölskyldur og fólk í viðkvæmri stöðu og miða við að hækkun ársins 2024 verði ekki umfram 3,5%. Einnig skuldbindur Akureyrarbær sig til þess að tryggja gjaldfrjálsar skólamáltíðir fyrir nemendur í grunnskólum sveitarfélagsins í samstarfi við ríkisvaldið og með fyrirliggjandi kostnaðarþátttöku þess, frá og með ágúst 2024 til loka samningstímans. Þá mun Akureyrarbær tryggja í húsnæðisáætlunum sínum og skipulagi nægt framboð byggingarsvæða og lóðir til skemmri og lengri tíma og hlutdeild í stofnkostnaði almennra íbúða, sem og að halda áfram því verkefni að brúa bilið á milli fæðingarorlofs og leikskóla.