Bæjarráð

3807. fundur 04. maí 2023 kl. 08:15 - 10:40 Fundarsalur á 1. hæð í Ráðhúsi
Nefndarmenn
  • Halla Björk Reynisdóttir formaður
  • Heimir Örn Árnason
  • Hlynur Jóhannsson
  • Hilda Jana Gísladóttir
  • Sunna Hlín Jóhannesdóttir
  • Brynjólfur Ingvarsson áheyrnarfulltrúi
  • Jana Salóme I. Jósepsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Inga Þöll Þórgnýsdóttir bæjarlögmaður ritaði fundargerð
Fundargerð ritaði: Jón Þór Kristjánsson forstöðumaður þjónustu og þróunar
Dagskrá

1.Jafnlaunastjórnunarkerfi 2023

Málsnúmer 2022100241Vakta málsnúmer

Kynning á jafnlaunastjórnunarkerfi Akureyrarbæjar.

Halla Margrét Tryggvadóttir sviðsstjóri mannauðssviðs sat fund bæjaráðs undir þessum lið.

Þá sátu bæjarfulltrúarnir Hulda Elma Eysteinsdóttir og Lára Halldóra Eiríksdóttir undir þessum lið í gegnum fjarfundarbúnað.

2.Skráningardagar í leikskólum

Málsnúmer 2023040631Vakta málsnúmer

Liður 8 í fundargerð fræðslu- og lýðheilsuráðs dagsettri 24. apríl 2023:

Lagt fram til kynningar minnisblað um valfrjálsa daga í leikskólum Akureyrarbæjar.

Áheyrnarfulltrúar: Björg Sigurvinsdóttir fulltrúi leikskólastjóra, Daníel Sigurður Eðvaldsson fulltrúi foreldra grunnskólabarna, Ingi Jóhann Friðjónsson fulltrúi leikskólakennara, Hafdís Erna Ásbjarnardóttir fulltrúi foreldra leikskólabarna og Telma Ósk Þórhallsdóttir fulltrúi ungmennaráðs.

Fræðslu- og lýðheilsuráð tekur vel í hugmyndina um að taka upp valfrjálsa daga frá og með ágúst 2023 og vísar erindinu til bæjarráðs.

Í bæjarráði var rætt um mögulegar leiðir til styttingar vinnuvikunnar í leikskólum.

Halla Margrét Tryggvadóttir sviðsstjóri mannauðssviðs og Kristín Jóhannesdóttir sviðsstjóri fræðslu- og lýðheilsusviðs sátu fund bæjarráðs undir þessum lið.
Afgreiðslu frestað til næsta fundar.

3.Reykjavíkurflugvöllur

Málsnúmer 2023050053Vakta málsnúmer

Umræða um Reykjavíkurflugvöll og nýja skýrslu um áhrif byggðar og framkvæmda á flug- og rekstraröryggi flugvallarins.
Bæjarráð samþykkir samhljóða eftirfarandi bókun:

Reykjavíkurflugvöllur er mikilvægur hlekkur í tryggum samgöngum fyrir landsbyggðina og mikilvæg tenging við höfuðborgarsvæðið. Það er bæði öryggis- og hagsmunamál að völlurinn geti áfram þjónað því fjölbreytta hlutverki sem honum er ætlað með tilliti til sjúkraflugs, aðgengi almennings að innviðum, atvinnulífs og uppbyggingu ferðaþjónustu á landsbyggðinni. Reykjavík er höfuðborg okkar allra en skipulagsvaldið yfir Skerjafirðinum er hennar. Þess vegna er mjög mikilvægt að tryggt verði með góðri samvinnu að mótvægisaðgerðum verði fylgt í hvívetna og að rekstraröryggi Reykjavíkurflugvallar í Vatnsmýri verði ekki stofnað í hættu. Mikilvægt er að samkomulag ríkis og borgar frá árinu 2019 um að tryggja rekstraröryggi á Reykjavíkurflugvelli a.m.k. næstu 20-25 árin haldist óbreytt.

4.Ósk um tilnefningu í stýrihóp verkefnanna Barnvæn sveitarfélög og Réttindaskóli og -frístund

Málsnúmer 2023040765Vakta málsnúmer

Lagt fram erindi dagsett 19. apríl 2023 frá Sunnu Viðarsdóttur fyrir hönd mennta- og barnamálaráðuneytis þar sem óskað er eftir tilnefningum í stýrihóp verkefnanna Barnvæn sveitarfélög og Réttindaskóli og -frístund. Tilnefningar skulu berast fyrir 10. maí nk.
Bæjarráð tilnefnir Karen Nóadóttur verkefnastjóra barnvæns sveitarfélags og Bjarka Ármann Oddsson forstöðumann skrifstofu fræðslu- og lýðheilsusviðs.

5.Markaðsstofa Norðurlands - aðalfundur 2023

Málsnúmer 2023040977Vakta málsnúmer

Erindi dagsett 25. apríl 2023 frá Markaðsstofu Norðurlands þar sem boðað er til aðalfundar þriðjudaginn 16. maí 2023 að Hótel Laugarbakka. Vakin er athygli á því að kosið er um stjórnarmenn á fundinum og þurfa framboð frá samstarfsfyrirtækjum til stjórnar að koma fram í síðasta lagi 13. maí.
Bæjarráð felur Þórgný Dýrfjörð forstöðumanni atvinnu- og menningarmála að mæta á fundinn fyrir hönd Akureyrarbæjar.

6.Hverfisráð Hríseyjar - fundargerðir 2023

Málsnúmer 2023010813Vakta málsnúmer

Lögð fram til kynningar fundargerð aðalfundar hverfisráðs Hríseyjar dagsett 25. apríl 2023 ásamt skýrslu ráðsins fyrir liðið starfsár.

Á aðalfundinum voru kjörin í hverfisráð Ingólfur Sigfússon, Júlía Mist Almarsdóttir og Narfi Freyr Narfason og til vara Gestur Leó Gíslason, Linda María Ásgeirsdóttir og Kristinn Frímann Árnason.
Bæjarráð þakkar fráfarandi hverfisráði fyrir vel unnin störf og óskar nýju hverfisráði velfarnaðar.

7.Stjórn Sambands íslenskra sveitarfélaga - fundargerðir 2023

Málsnúmer 2023011346Vakta málsnúmer

Lagðar fram til kynningar fundargerðir 922., 923. og 924. fundar stjórnar Sambands íslenskra sveitarfélaga dagsettar 31. mars, 5. apríl og 17. apríl 2023.

8.Frumvarp til laga um breytingu á ýmsum lögum í þágu barna, samþætting þjónustu o.fl., 922. mál

Málsnúmer 2023040980Vakta málsnúmer

Lagt fram til kynningar erindi dagsett 25. apríl 2023 frá allsherjar- og menntamálanefnd Alþingis þar sem óskað er umsagnar um frumvarp til laga um breytingu á ýmsum lögum í þágu barna (samþætting þjónustu o.fl.), 922. mál 2023.

Þess er óskað að undirrituð umsögn berist eigi síðar en 9. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/153/s/1452.pdf

9.Frumvarp til laga um Mennta- og skólaþjónustustofu, 956. mál

Málsnúmer 2023040981Vakta málsnúmer

Lagt fram til kynningar erindi dagsett 26. apríl 2023 frá allsherjar- og menntamálanefnd Alþingis þar sem óskað er umsagnar um frumvarp til laga um Mennta- og skólaþjónustustofu, 956. mál 2023.

Þess er óskað að undirrituð umsögn berist eigi síðar en 10. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/153/s/1492.pdf

10.Frumvarp til laga um kosningalög o.fl. ýmsar breytingar, 945. mál

Málsnúmer 2023041202Vakta málsnúmer

Lagt fram til kynningar erindi dagsett 26. apríl 2023 frá stjórnskipunar- og eftirlitsnefnd Alþingis þar sem óskað er umsagnar um frumvarp til laga um kosningalög o.fl. (ýmsar breytingar), 945. mál 2023.

Þess er óskað að undirrituð umsögn berist eigi síðar en 10. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/153/s/1477.pdf

11.Frumvarp til laga um uppbyggingu og rekstur flugvalla og þjónustu við flugumferð, 941. mál

Málsnúmer 2023041329Vakta málsnúmer

Lagt fram til kynningar erindi dagsett 27. apríl 2023 frá umhverfis- og samgöngunefnd Alþingis þar sem óskað er umsagnar um frumvarp til laga um uppbyggingu og rekstur flugvalla og þjónustu við flugumferð, 941. mál 2023.

Þess er óskað að undirrituð umsögn berist eigi síðar en 11. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/153/s/1471.pdf

12.Frumvarp til laga um veiðar í fiskveiðilandhelgi Íslands og stjórn fiskveiða, veiðistjórn grásleppu, 976. mál

Málsnúmer 2023041359Vakta málsnúmer

Lagt fram til kynningar erindi dagsett 28. apríl 2023 frá atvinnuveganefnd Alþingis þar sem óskað er umsagnar um frumvarp til laga um veiðar í fiskveiðilandhelgi Íslands og stjórn fiskveiða, veiðistjórn grásleppu, 976. mál 2023.

Þess er óskað að undirrituð umsögn berist eigi síðar en 11. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/153/s/1524.pdf

Fundi slitið - kl. 10:40.