Bæjarráð

3652. fundur 12. september 2019 kl. 08:15 - 11:52 Fundaraðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Hilda Jana Gísladóttir
  • Gunnar Gíslason
  • Sóley Björk Stefánsdóttir
  • Hlynur Jóhannsson áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir fundarritari
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá

1.Skíðalyfta í Hlíðarfjall

2016030107

Liður 3 í fundargerð frístundaráðs dagsettri 28. ágúst 2019:

Áframhald umræðu um uppsetningu nýrrar lyftu í Hlíðarfjalli. Málið var áður á dagskrá ráðsins þann 14. ágúst sl.

Ellert Örn Erlingsson deildarstjóri íþróttamála sat fundinn undir þessum lið.

Frístundaráð samþykkir að óska eftir því við bæjarráð að veittur verði viðauki við fjárhagsáætlun 2019 vegna framkvæmda í Hlíðarfjalli í tengslum við uppsetningu nýrrar stólalyftu. Um er að ræða framkvæmdir við að leggja háspennustreng að endastöð nýrrar lyftu að upphæð kr. 11.125.000 og kaup á aðgangsstýringarkerfi (hliðum) að upphæð kr. 4.000.000. Samtals kr. 15.125.000.

Málið var áður á dagskrá bæjarráðs 5. september sl. og var afgreiðslu þá frestað.

Anna Hildur Guðmundsdóttir formaður frístundaráðs, Kristinn J. Reimarsson sviðsstjóri samfélagssviðs, Ellert Örn Erlingsson deildarstjóri íþróttamála og Guðmundur Karl Jónsson forstöðumaður Hlíðarfjalls mættu á fund bæjarráðs undir þessum lið.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð felur sviðsstjóra samfélagssviðs og forstöðumanni Hlíðarfjalls að útbúa minnisblað vegna framkvæmdanna og leggja fyrir næsta fund bæjarráðs.

2.Ársreikningur Akureyrarbæjar fyrir árið 2019 - árshlutauppgjör

2019090149

Lagt fram óendurskoðað árshlutauppgjör janúar-júní 2019.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð vísar óendurskoðuðu árshlutauppgjöri janúar-júní 2019 til umræðu í bæjarstjórn.

3.Fjárhagsáætlun 2020 - 121 - stjórnsýslusvið og fjársýslusvið

2019090024

Lögð fram drög að fjárhagsáætlun fyrir málaflokk 121.

Halla Margrét Tryggvadóttir sviðsstjóri stjórnsýslusviðs og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

4.Breytingar á viðræðuáætlunum - eingreiðslur

2019070111

Kynntar breytingar á viðræðuáætlunum Sambands íslenskra sveitarfélaga við Starfsgreinasamband Íslands og við Kennarasamband Íslands vegna Skólastjórafélags Íslands, Félags grunnskólakennara, Félags stjórnenda leikskóla, Félags leikskólakennara og Félags kennara og stjórnenda í tónlistarskólum. Breytingarnar fela m.a. í sér að greiddar verða eingreiðslur vegna tafa við gerð kjarasamninga.

Halla Margrét Tryggvadóttir sviðsstjóri stjórnsýslusviðs og Dan Jens Brynjarsson sviðsstjóri fjársýslusviðs sátu fundinn undir þessum lið.
Bæjarráð felur sviðsstjóra fjársýslusviðs og sviðsstjóra stjórnsýslusviðs að útbúa viðauka vegna málsins.

5.UMSA - viðaukar 2019

2019090073

Liður 1 í fundargerð umhverfis- og mannvirkjaráðs dagsettri 6. september 2019:

Viðaukar lagðir fyrir ráðið til samþykktar.

Umhverfis- og mannvirkjaráð samþykkir að óska eftir því við bæjarráð að samþykkja meðfylgjandi viðauka.

Andri Teitsson formaður umhverfis- og mannvirkjaráðs, Guðríður Erla Friðriksdóttir sviðsstjóri umhverfis- og mannvirkjasviðs, Dan Jens Brynjarsson sviðsstjóri fjársýslusviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.
Bæjarráð vísar málinu aftur til umhverfis- og mannvirkjaráðs til frekari úrvinnslu.

6.Fjárhagsáætlun Akureyrarbæjar 2019 - viðauki

2018050147

Lagður fram viðauki 6.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir framlagðan viðauka 6, rekstrarútgjöld samtals að upphæð 95,2 milljónir króna, með 5 samhljóða atkvæðum, og vísar honum til staðfestingar í bæjarstjórn.

7.Samþykkt fyrir bæjarráð - endurskoðun 2019

2019090151

Rætt um endurskoðun samþykktar fyrir bæjarráð.
Afgreiðslu frestað.

8.Búsetusvið - reglur endurskoðun

2018110251

Liður 2 í fundargerð velferðarráðs dagsettri 4. september 2019:

Til umræðu og samþykktar breytingar á reglum akstursþjónustu Akureyrarbæjar, áður á dagskrá 17. maí 2019.

Velferðarráð samþykkir breytingar á reglum um akstursþjónustu Akureyrarbæjar.
Afgreiðslu frestað.

9.Öldungaráð - fundargerðir 2019

2019050503

Lögð fram til kynningar fundargerð 3. fundar öldungaráðs dagsett 2. september 2019.

Fundargerðir öldungaráðs eru aðgengilegar á eftirfarandi slóð: https://www.akureyri.is/is/stjornkerfi/stjornsysla/fundargerdir/oldungarad-local

10.Hverfisráð Hríseyjar - fundargerðir 2010-2020

2010020035

Lögð fram til kynningar fundargerð 129. fundar hverfisráðs Hríseyjar dagsett 30. ágúst 2019.

Fundargerðina má finna á netslóðinni: https://www.akureyri.is/is/stjornkerfi/stjornsysla/hverfisnefndir/hrisey/fundargerdir

11.Hverfisnefnd Oddeyrar - fundargerðir 2018 og 2019

2019020450

Lögð fram fundargerð 76. fundar hverfisnefndar Oddeyrar dagsett 26. ágúst 2019.

Fundargerðir nefndarinnar er að finna á eftirfarandi slóð: https://www.akureyri.is/is/stjornkerfi/stjornsysla/hverfisnefndir/oddeyri/fundargerdir
Bæjarráð vísar lið 1 til skipulagssviðs og liðum 2 og 3 til umhverfis- og mannvirkjasviðs.

12.Stjórn Sambands íslenskra sveitarfélaga - fundargerðir 2019

2019010399

Lögð fram til kynningar fundargerð 873. fundar stjórnar Sambands íslenskra sveitarfélaga dagsett 30. ágúst 2019.

Fundargerðina má finna á eftirfarandi vefslóð: http://www.samband.is/um-okkur/fundargerdir-stjornar/searchmeetings.aspx

13.Atvinnuþróunarfélag Eyjafjarðar - haustfundur 2019

2019090173

Lagt fram erindi móttekið 15. júlí 2019 frá Atvinnuþróunarfélagi Eyjafjarðar þar sem boðað er til haustfundar AFE miðvikudaginn 18. september nk. frá kl. 09:00 til 12:00. Samkvæmt 9. gr. samþykktar fyrir AFE skulu sveitarfélög kjósa fulltrúa til setu á haustfundum. Fulltrúar Akureyrarbæjar eru sex talsins.
Bæjarráð skipar Guðmund Baldvin Guðmundsson B-lista, Höllu Björk Reynisdóttur L-lista, Hildu Jönu Gísladóttur S-lista, Gunnar Gíslason D-lista, Sóleyju Björk Stefánsdóttur V-lista og Hlyn Jóhannsson M-lista sem fulltrúa Akureyrarbæjar á haustfundinum.

Fundi slitið - kl. 11:52.