Bæjarráð

3503. fundur 20. apríl 2016 kl. 08:30 - 09:41 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Gunnar Gíslason
  • Preben Jón Pétursson
  • Sóley Björk Stefánsdóttir áheyrnarfulltrúi
Starfsmenn
  • Heiða Karlsdóttir fundarritari
Dagskrá

1.Æskulýðssamband þjóðkirkjunnar - styrkbeiðni vegna landsmóts 2016

2016030184

3. liður í fundargerð samfélags- og mannréttindaráðs dagsett 31. mars 2016:

Lagt fram bréf dagsett 21. mars 2016 undirritað af Jónínu Sif Eyþórsdóttur og fleirum fyrir hönd Æskulýðssambands þjóðkirkjunnar. Í bréfinu er óskað eftir styrk í formi aðstöðu til að halda landsmót sambandsins á Akureyri 21.- 23. október næstkomandi.

Samfélags- og mannréttindaráð telur ekki á sínu valdi að veita umbeðna aðstöðu eða veita styrk á móti leigu og vísar málinu því til bæjarráðs.
Bæjarráð samþykkir styrk að upphæð kr. 150.000 sem færast af styrkveitingum bæjarráðs og felur Katrínu Björgu Ríkarðsdóttur aðstoðarmanni bæjarstjóra að ræða við bréfritara.
Gunnar Gíslason D-lista mætti á fundinn kl. 08:36.

2.Forsetakosningar 25. júní 2016

2016040108

Lagt fram erindi dagsett 12. apríl 2016 frá formanni kjörstjórnar Akureyrar vegna komandi forsetakosninga þann 25. júní nk. Þar kemur fram tillaga kjörstjórnar um að Akureyrarkaupstað verði skipt í tólf kjördeildir, tíu á Akureyri, ein í Hrísey og ein í Grímsey. Gerð er tillaga um að á Akureyri verði kjörstaður í Verkmenntaskólanum á Akureyri, í Hrísey verði kjörstaður í Hríseyjarskóla og að í Grímsey verði kjörstaður í félagsheimilinu Múla. Lagt er til að tveir kjörklefar verði í hverri kjördeild á Akureyri, Hrísey og í Grímsey. Þá hefur kjörstjórn ennfremur ákveðið að leggja til við bæjarráð að kjörfundur standi frá klukkan 09:00 til 22:00 á Akureyri, Hrísey og í Grímsey. Óskar kjörstjórn eftir því við bæjarráð að ofangreindar tillögur verði samþykktar.
Bæjarráð samþykkir tillögur kjörstjórnar Akureyrar.

3.Hverfisráð Grímseyjar - fundargerð

2010070098

Lögð fram fundargerð 26. fundar hverfisráðs Grímseyjar dagsett 4. apríl 2016. Fundargerðina má finna á netslóðinni:

http://www.akureyri.is/is/stjornkerfid/hverfisnefndir/grimsey/fundargerdir
Bæjarráð vísar 1. og 4. lið til framkvæmdadeildar, 2. lið til bæjarstjóra og 3. lið til framkvæmdastjóra Fasteigna Akureyrarbæjar.

4.Denver, Colorado - samskipti

2012040169

Lagt fram til kynningar bréf dagsett 1. apríl 2016 frá Michael B. Hancock borgarstjóra Denverborgar.

5.Viðtalstímar bæjarfulltrúa - fundargerð

2015110022

Lögð fram fundargerð viðtalstíma bæjarfulltrúa dagsett 14. apríl 2016.
Bæjarráð vísar 1. til fræðslustjóra og starfsmannastjóra, 3. lið til fræðslustjóra, 2. lið til framkvæmdadeildar, 4. og 6. lið til skipulagsdeildar, 5. liður er lagður fram til kynningar, 7. og 8. liður eru færðir í trúnaðarmálabók viðtalstíma bæjarfulltrúa.

Fundi slitið - kl. 09:41.