Bæjarráð

3496. fundur 03. mars 2016 kl. 08:30 - 10:49 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Gunnar Gíslason
  • Preben Jón Pétursson
  • Sóley Björk Stefánsdóttir áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá
Í upphafi fundar bauð formaður Preben Jón Pétursson Æ-lista velkominn á hans fyrsta fund sem aðalmaður í bæjarráði.

1.Snorri Óskarsson - bótakrafa

2015050121

Lagt fram erindi dagsett 29. febrúar 2016 frá Einari Gauta Steingrímssyni hrl. þar sem hann fyrir hönd Snorra Óskarssonar leggur fram bótakröfu á hendur Akureyrarbæ með vísan í dóm Hæstaréttar frá 11. febrúar sl. í máli nr. 396/2015.

Inga Þöll Þórgnýsdóttir bæjarlögmaður og Dan Jens Brynjarsson fjármálastjóri sátu fund bæjarráðs undir þessum lið.
Bæjarráð felur bæjarstjóra og bæjarlögmanni að leita samninga við bréfritara í samræmi við umræður á fundinum.

2.Bæjarsjóður Akureyrar - yfirlit um rekstur 2015

2015040016

Lagt fram til kynningar yfirlit um rekstur aðalsjóðs frá janúar til desember 2015.

Dan Jens Brynjarsson fjármálastjóri sat fund bæjarráðs undir þessum lið.

3.Hlíðaból - rekstrarstyrkur

2015050028

5. liður í fundargerð skólanefndar dagsett 15. febrúar 2016:

Árni Konráð Bjarnason rekstrarstjóri á skóladeild og Hrafnhildur Sigurðardóttir leikskólafulltrúi á skóladeild fóru yfir breytingar í kjölfar nýrra kjarasamninga og starfsmats.

Skólanefnd óskar eftir viðbótarfjármagni frá bæjarráði að upphæð kr. 3.748.500 til Hlíðabóls vegna breytinga á nýjum kjarasamningum og starfsmati.
Bæjarráð samþykkir umbeðið erindi en frestar gerð viðauka.

4.Sjúkrahúsið á Akureyri - nefnd/rýnihópur vegna gæðakerfis

2015100027

Tilnefning aðalmanns í nefnd/rýnihóp sem fjallar um þjónusturýni.
Bæjarráð tilnefnir Önnu Marit Níelsdóttur, kt. 260966-3089, í nefndina/rýnihópinn.

5.Vetraríþróttamiðstöð Íslands - tilnefning fulltrúa í stjórn 2016-2020

2016020192

Erindi dagsett 17. febrúar 2016 frá mennta- og menningarmálaráðuneytinu þar sem vísað er til ákvæða 4. gr. reglugerðar nr. 362/1995 um Vetraríþróttamiðstöð Íslands og óskað eftir að Akureyrarbær tilnefni tvo fulltrúa og tvo varafulltrúa í stjórn Vetraríþróttamiðstöðvar Íslands til næstu fjögurra ára. Skipunartími stjórnar rennur út 1. mars 2016. Samkvæmt reglugerðinni er annar fulltrúi Akureyrarbæjar formaður stjórnar.

Óskað er eftir með skírskotun til 15. gr. laga nr. 10/2008 að tilnefndir verði fjórir einstaklingar, tveir karlar og tvær konur. Ráðherra skipar í stjórnina og velur úr tilnefningum svo kynjaskipting sé sem jöfnust.
Bæjarráð tilnefnir Siguróla Magna Sigurðsson, kt. 230589-3489 og Þórunni Sif Harðardóttur, kt. 191265-5809, sem aðalmenn og Ingibjörgu Ólöfu Isaksen, kt. 140277-3719 og Jónas Björgvin Sigurbergsson, kt. 250894-3179, til vara.

6.Styrktarsjóður EBÍ 2016

2016020229

Erindi dagsett 22. febrúar 2016 frá Eignarhaldsfélagi Brunabótafélags Íslands varðandi umsóknir í styrktarsjóð EBÍ 2016.

Aðildarsveitarfélag sendir aðeins inn eina umsókn sem skila á á þar til gerðu umsóknareyðublaði. Umsóknir skulu vera vegna sérstakra framfaraverkefna á vegum sveitarfélaganna en ekki vegna almennra rekstrarverkefna þeirra.

Umsóknarfrestur er til loka apríl nk.
Bæjarráð hvetur nefndir og deildir bæjarins til að skoða verkefni sem falla undir reglur sjóðins og senda tillögur til bæjarstjóra fyrir 8. apríl nk.

7.Lánasjóður sveitarfélaga ohf - auglýsing eftir framboðum í stjórn

2016020215

Lagt fram til kynningar erindi dagsett 22. febrúar 2016 frá Lánasjóði sveitarfélaga ohf þar sem auglýst er eftir framboðum í stjórn Lánasjóðs sveitarfélaga. Framboðum skal skila í síðasta lagi á hádegi mánudaginn 7. mars nk.

8.Viðtalstímar bæjarfulltrúa fundargerðir veturinn 2015-2016

2015110022

Lögð fram fundargerð viðtalstíma bæjarfulltrúa dagsett 25. febrúar 2016.
Bæjarráð vísar 3. lið til framkvæmdadeildar, 4. lið til Akureyrarstofu, 7. og 8. lið til bæjarstjóra, 5. liður er færður í trúnaðarmálabók viðtalstíma bæjarfulltrúa, 1., 2. og 6. liður eru lagðir fram til kynningar í bæjarráði.

9.Hverfisráð Hríseyjar - fundargerðir

2010020035

Lögð fram 97. fundargerð hverfisráðs Hríseyjar dagsett 19. febrúar 2016. Fundargerðina má finna á netslóðinni: http://www.akureyri.is/is/stjornkerfid/hverfisnefndir/hrisey/fundargerdir
Bæjarráð vísar 3. og 4. lið til framkvæmdadeildar, 1. og 2. liður eru lagðir fram til kynningar í bæjarráði.

10.Hverfisnefnd Naustahverfis - fundargerðir 2016

2016010036

Lögð fram fundargerð 71. fundar hverfisnefndar Naustahverfis dagsett 3. febrúar 2016.

Fundargerðina má finna á netslóðinni: http://www.akureyri.is/is/stjornkerfid/hverfisnefndir/naustahverfi/fundargerdir
Bæjarráð vísar 1. lið til skipulagsdeildar og 2. og 3. lið til framkvæmdadeildar.

11.Eyþing - fundargerðir

2010110064

Lagðar fram til kynningar fundargerð 277. fundar stjórnar Eyþings dagsett 17. febrúar 2016. Fundargerð 5. fundar fulltrúaráðs Eyþings dagsett 28. janúar 2016 og fundargerð sameiginlegs fundar stjórnar Eyþings og SSA með þingmönnum Norðausturkjördæmis dagsett 9. febrúar 2016.

Fundargerðir stjórnar Eyþings og fulltrúaráðs Eyþings má finna á netslóðinni: http://www.eything.is/is/fundargerdir

Fundi slitið - kl. 10:49.