Deiliskipulag miðbæjar – Glerárgata 7 - Niðurstaða bæjarstjórnar

Deiliskipulag Glerárgata 7

Niðurstaða bæjarstjórnar

Bæjarstjórn Akureyrarbæjar samþykkti þann 6.júní 2023 breytingu á deiliskipulagi miðbæjar í samræmi við 3. mgr. 41. gr. skipulagslaga nr. 123/2010.

Skipulagssvæðið afmarkast af lóð Glerárgötu 7 þar sem gert er ráð fyrir að heimilt verði að reisa 5-6 hæða hótel þar sem efstu tvær hæðirnar eru inndregnar. Þá er gert ráð fyrir bílakjallara að hámarki 1200 m² fyrir allt að 38 bílastæði.

Skipulagsuppdrátt má nálgast hér.

Tillagan var auglýst frá 29.mars til 14.maí 2023. Þrjár athugasemdir bárust sem leiddu ekki til breytinga á skipulaginu. Deiliskipulagið hefur verið sent Skipulagsstofnun og tekur það gildi með auglýsingu í B-deild Stjórnartíðinda.

Þeir sem óska nánari upplýsinga um tillöguna og niðurstöðu bæjarstjórnar geta snúið sér til þjónustu- og skipulagssviðs Akureyrarbæjar; skipulag@akureyri.is