Hafnarsvæði í Krossanesi, Akureyri - Tillaga að breytingu á deiliskipulagi

Tölvugerð af fyrirhuguðum sílóum við Krossaneshöfn

Bæjarstjórn Akureyrarbæjar auglýsir hér með skv. 1. mgr. 41. gr. skipulagslaga nr. 123/2010, tillögu að breytingu á deiliskipulagi fyrir hafnarsvæði í Krossanesi, Akureyri.

Tillagan gerir ráð fyrir að afmörkuð er ný lóð fyrir birgðarstöð og bílavog á norðurjaðri hafnarsvæðisins. Lóðin verður að hluta á fyrirhugaðri landfyllingu sem gert er ráð fyrir í gildandi deiliskipulagi. Aðkoma að lóðinni verður um lóð 1.03 og 1.04.

Helstu breytingar :

• Afmarkaður er byggingarreitur fyrir mannvirki (síló og vog). Nýtingarhlutfall er 0,4 og hámarkshæð mannvirkja er 30 m.
• Lóð 1.04 verður minnkuð um 54 m2.
• Skilgreind er lega löndurlagna fyrir sement og asfalt.
• Kvöð um fráveitulagnir, vatnslagnir og raflagnir er sett á lóðir 1.04, 1.05, 1.08 og 1.09.
• Kvöð um umferðarrétt/aðkomuleið að nýrri lóð og hafnarbakka er sett á lóð 1.04.
• Þjónustu- og umferðarsvæði hafnarinnar 1.11 er minnkað.

Tillöguuppdrátt ásamt greinargerð má nálgast hjá þjónustu- og skipulagssviði í Ráðhúsi Akureyrar frá 24. apríl til 7. júní 2024. Tillagan mun jafnframt verða aðgengileg á heimasíðu bæjarins á sama tíma: www.akureyri.is – neðst á forsíðu undir: Auglýstar skipulagstillögur og á Skipulagsgátt: skipulagsgatt.is

Athugasemdum og ábendingum þar sem nafn, heimilisfang og kennitala kemur fram má skila á netfangið skipulag@akureyri.is, bréfleiðis til Þjónustu- og skipulagssviðs, Ráðhúsi, Geislagötu 9, 600 Akureyri eða í gegnum Skipulagsgátt.

Deiliskipulagsuppdráttinn má nálgast hér.

Fleiri þrívíddarmyndir má sjá hér og hér

Frestur til að koma á framfæri ábendingum við tillöguna er til 7. júní 2024.

24. apríl 2024
Skipulagsfulltrúi

Athugasemdir teljast til opinberra gagna. Nöfn þeirra sem senda inn athugasemdir koma fram í fundargerðum skipulagsráðs á heimasíðu Akureyrarbæjar. Persónuupplýsingar sem fylgja athugasemdum, s.s. kennitala, nafn og netfang, eru aðeins nýttar til að vinna úr athugasemdum og auðkenna sendanda. Sjá nánar um meðferð persónuupplýsinga hjá Akureyrarbæ hér.