Umhverfis- og mannvirkjaráð

12. fundur 02. júní 2017 kl. 08:15 - 10:36 Bæjarstjórnarsalur á 4. hæð í Ráðhúsi
Nefndarmenn
  • Ingibjörg Ólöf Isaksen formaður
  • Jóhann Jónsson
  • Sæbjörg Sylvía Kristinsdóttir
  • Gunnar Gíslason
  • Þorsteinn Hlynur Jónsson
  • Hermann Ingi Arason áheyrnarfulltrúi
Starfsmenn
  • Guðríður Friðriksdóttir sviðsstjóri umhverfis- og mannvirkjasviðs
  • Tómas Björn Hauksson forstöðumaður tæknideildar
  • Guðný Skúladóttir fundarritari
Fundargerð ritaði: Guðný Skúladóttir Fulltrúi
Dagskrá
Jóhann Jónsson S-lista mætti í forföllum Eiríks Jónssonar.

1.Molta pappírstætari

2017010100

Lögð fram að nýju drög að samningi við Moltu dagsett 18. maí 2017 um kaup á pappírstætara. Erindið var áður lagt fyrir á síðasta fundi þann 19. maí 2017.

Í upphafi þessa dagskrárliðar vakti Ingibjörg Ólöf Isaksen B-lista á því athygli að hún teldi sig vanhæfa að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir umhverfis- og mannvirkjaráð og var það samþykkt með 5 samhljóða atkvæðum.

Ingibjörg Ólöf Isaksen vék af fundi við umræðu og afgreiðslu málsins.

Gunnar Gíslason tók við stjórn fundarins í fjarveru formanns og varaformanns.
Umhverfis- og mannvirkjaráð frestar málinu til næsta fundar og leggur til að sviðsstjóri fari betur yfir málið með formanni Moltu.



Ingibjörg Ólöf Isaksen tók aftur við stjórn fundarins.

2.Samgönguvika 2017

2017050205

Jón Birgir Gunnlaugsson verkefnastjóri umhverfismála mætti á fundinn og fór yfir hvernig staðið hefur verið að samgönguviku undanfarin ár.

Umhverfis- og mannvirkjaráð samþykkir að skipuð verði nefnd til að skipuleggja vikuna. Ráðið skipar Jón Birgir Gunnlaugsson og Ingibjörgu Ólöfu Isaksen í nefndina og óskar jafnframt eftir tilnefningu starfsmanns frá Akureyrarstofu.

3.Bílabraut á Hömrum

2017050208

Jón Birgir Gunnlaugsson verkefnastjóri umhverfismála kynnti hugmyndir frá Teiknistofu Arkitekta ehf að smábílabraut á Hömrum og fór yfir áætlaðan kostnað við verkið.

4.Miðbær - endurbætur

2017050008

Lagt fram minnisblað dagsett 2. júní 2017 vegna tillagna að endurbótum á miðbænum.

Jón Birgir Gunnlaugsson verkefnastjóri umhverfismála sat fundinn undir þessum lið.
Umhverfis- og mannvirkjaráð samþykkir fyrirhugaðar framkvæmdir í göngugötunni samkvæmt framlögðum gögnum og felur sviðsstjóra að vinna frekari kostnaðaráætlun fyrir heildarverkefnið og leggja fyrir ráðið að nýju.

5.Ágengar plöntur í bæjarlandinu

2015080046

Jón Birgir Gunnlaugsson verkefnastjóri umhverfismála lagði fram yfirlit yfir ágengar plöntur í bæjarlandinu.

Einnig fór hann yfir stöðuna á verkefni sem miðar að því að hefta útbreiðslu skógarkerfils, lúpínu og bjarnarklóar ásamt áætluðum kostnaði við útrýmingu.

6.Flugfélag Íslands - strætisvagnasamgöngur við Akureyrarflugvöll

2017040158

Erindi dagsett 25. apríl 2017 þar sem Árni Gunnarsson f.h. Flugfélags Íslands ehf, vekur athygli á að samgöngumöguleikum til og frá Akureyrarflugvelli er ábótavant þar sem ekki er boðið upp á tengingu við strætisvagna, og hvetur bæjarráð til að beita sér fyrir úrbótum á þessu.

Bæjarráð vísar erindinu til umhverfis- og mannvirkjaráðs.



Jónas Vigfússon forstöðumaður Umhverfismiðstöðvar mætti á fund umhverfis- og mannvirkjaráðs og fór yfir málið og lagði fram minnisblað dagsett 2. júní 2017.
Umhverfis- og mannvirkjaráð getur ekki orðið við erindinu. Akureyrarbær fór í endurskoðun á leiðarkerfinu 2016 þar sem akstur til og frá flugvelli var kannaður. Það þótti ekki mögulegt að bæta þeim akstri inn í leiðarkerfið.

7.Moldarlosunarvegur - gatnagerð og lagnir

2016070070

Lögð fram drög að samningi við Golfklúbb Akureyrar um losun jarðvegs á Jaðarsvelli dagsett 30. maí 2017.

Jónas Vigfússon forstöðumaður Umhverfismiðstöðvar sat fundinn undir þessum lið.
Umhverfis- og mannvirkjaráð samþykkir samninginn.

8.Verkfundargerðir 2017

2017010343

Eftirfarandi verkfundargerðir lagðar fram á fundinum:

Bygging íbúða fyrir fatlaða: 7.- 9. fundur verkefnisliðs dagsettir 21. febrúar, 11. apríl og 9. maí 2017.

Listasafn: 0. - 1. verkfundur dagsettir 15. og 19. maí 2017.

Nökkvi: 14.- 17. fundur verkefnisliðs dagsettir 16. og 30. mars, 24. apríl og 15. maí 2017.

Nökkvi farg: 1. - 2. verkfundur dagsettir 4. og 11. maí 2017.

Rangárvallarstígur: 1. - 2. verkfundur dagsettir 25. apríl og 2. maí 2017.

Reiðleiðir Naustaborgum: 1.- 2. verkfundur dagsettir 9. og 24. febrúar 2017.

Sundlaug Akureyrar: 16.- 18. fundur verkefnisliðs dagsettir 24. febrúar, 1. og 27. mars 2017.

Sundlaug Akureyrar: 8.- 13. verkfundur dagsettir 1. og 29. mars, 12. og 26. apríl, 10. og 24. maí 2017.

Jónas Vigfússon forstöðumaður Umhverfismiðstöðvar sat fundinn undir þessum lið.

9.Önnur mál - umhverfis- og mannvirkjaráð 2017

2017010135

Leiðakerfi Strætisvagna Akureyrar er í stöðugri endurskoðun. Umhverfis- og mannvirkjaráð felur forstöðumanni Umhverfismiðstöðvar að kanna möguleika á sumarakstri frá Hömrum að Byko með viðkomu á flugvelli.

Jónas Vigfússon forstöðumaður Umhverfismiðstöðvar sat fundinn undir þessum lið.

Fundi slitið - kl. 10:36.