Stjórn Akureyrarstofu

143. fundur 30. maí 2013 kl. 16:00 - 18:35 Borgarsalur í Samkomuhúsinu
Nefndarmenn
  • Halla Björk Reynisdóttir formaður
  • Sigmundur Einar Ófeigsson
  • Jón Hjaltason
  • Hildur Friðriksdóttir
  • Helena Þuríður Karlsdóttir
  • Helgi Vilberg Hermannsson áheyrnarfulltrúi
  • Sigfús Arnar Karlsson áheyrnarfulltrúi
  • Unnsteinn Jónsson áheyrnarfulltrúi
Starfsmenn
  • Þórgnýr Dýrfjörð fundarritari
Dagskrá

1.Leikfélag Akureyrar - sameiginlegur fundur

2013010067

Á fundinum hittust stjórnir Akureyrarstofu og Leikfélags Akureyrar til skrafs og ráðagerða. Ragnheiður Skúladóttir leikhússtjóri fór yfir áætlun um starfsemi á næsta leikári, bæði eigin framleiðslu félagsins, gestasýningar, samstarfsverkefni við önnur leikhús og menningarstofnanir og loks starfsemi leiklistarskóla LA. Framkvæmdastjóri kynnti í kjölfarið rekstraráætlun félagsins fyrir komandi leikár eins og hún lítur út nú.
Í kjölfarið spunnust fjölbreytilegar umræður um starfsárið og þau viðfangsefni sem LA stendur frammi fyrir.

Stjórn Akureyrarstofu þakkar stjórn Leikfélagsins fyrir greinargóðar upplýsingar sem fram komu á fundinum og góðar umræður sem fram fóru og óskar félaginu velfarnaðar á komandi afmælisleikári.

Fundi slitið - kl. 18:35.