Skólanefnd

Logi Már Einarsson S-lista óskaði eftir því að tekin væri umræða í nefndinni um áhrif gjaldskrárhækkana í leikskólum og grunnskólum sem samþykktar hafa verið í fjárhagsáætlun 2012. Þá óskaði hann eftir umræðu um þær breytingar sem fyrirhugaðar eru á matarmálum skólanna. Logi lýsti yfir miklum áhyggjum af því hvaða afleiðingar þessar hækkanir og breytingar geti haft fyrir börn og fjölskyldur í bænum.
Á fundinum voru einnig lögð fram gögn sem sýna samanburð á gjaldskrám Akureyrarbæjar við gjaldskrár nokkurra stórra sveitarfélaga.

Ályktun dags. 14. desember 2011 frá leikskólastjórum í leikskólum Akureyrarbæjar. Þar er þess krafist að skólanefnd ljúki því vinnuferli sem fór af stað fyrir rúmu ári síðan á endurskoðun og úttekt á stjórnkerfi skóla á Akureyri. Er óskað eftir skýrum svörum sem allra fyrst og eigi síðar en 15. janúar 2012.

Fyrir fundinn var lögð fundaáætlun skólanefndar fyrir árið 2012.

Erindi dags. 29. nóvember 2011 frá Kristlaugu Svavarsdóttur leikskólastjóra f.h. starfsfólks Iðavalla þar sem sótt er um heimild til að færa áætlaðan skipulagsdag leikskólans frá 5. mars 2012 til 18. apríl 2012 vegna fyrirhugaðrar námsferðar starfsfólks til Lahti vinabæjar Akureyrar í Finnlandi.
Fram kom á fundinum að foreldraráð skólans gerir ekki athugasemdir við erindið.

Lögð fram til kynningar ályktun dags. 6. desember 2011 frá Félagi tónlistarskólakennara. Þar kemur m.a. fram að aðalfundur félagsins sem haldinn var 12. nóvember 2011 lýsir yfir þungum áhyggjum af þróun tónlistarfræðslu í landinu vegna mikils niðurskurðar í tónlistarskólum allt frá árinu 2008 og er eindregið varað við frekari niðurskurði. Eru sveitarfélög hvött til að standa með tónlistarskólunum sínum og styðja þannig við mennsku samfélagsins.