Samfélags- og mannréttindaráð

Í samvinnu Akureyrarbæjar og Háskólans á Akureyri var í lok árs 2012 lagður spurningalisti fyrir íbúa af erlendum uppruna. Megintilgangur rannsóknarinnar var að afla upplýsinga um þennan fjölbreytta hóp með það að leiðarljósi að geta í framhaldinu aðstoðað við að bæta stöðu. Spurningar sem lagðar voru fyrir snerust um bakgrunn, þekkingu á íslenskum dægurmálum og íslenskri tungu, atvinnustöðu og skoðanir á samfélaginu. Kjartan Ólafsson lektor og Markus Meckl dósent við Háskólann á Akureyri kynntu niðurstöður.
Bæjarfulltrúarnir Logi Már Einarsson S-lista og Ólafur Jónsson D-lista voru gestir fundarins undir þessum lið.

Umræður um samstarf við Starfsendurhæfingu Norðurlands um rekstur kvennasmiðju.

Lögð fram til kynningar drög að samstarfssamningi milli samfélags- og mannréttindadeildar og fjölskyldudeildar um vinnumarkaðsþjálfun fyrir ungt fólk sem fær fjárhagsaðstoð frá Akureyrarbæ.

Tekin fyrir drög að nýrri menningarstefnu fyrir Akureyrarbæ skv. beiðni frá Akureyrarstofu. Einnig var kynnt umsögn frá starfsfólki félagsmiðstöðva og Ungmenna-Húss.

Áframhaldandi vinna við gerð langtímaáætlunar fyrir þá málaflokka sem heyra undir samfélags- og mannréttindaráð.