Hafnarstræti 2 - umsókn um breytingu á deiliskipulagi

Málsnúmer 2022070625

Vakta málsnúmer

Skipulagsráð - 385. fundur - 10.08.2022

Erindi dagsett 20. júlí 2022 þar sem Jónas Vigfússon f.h. Jóns Ómars Hraundal Halldórssonar óskar eftir breytingu á deiliskipulagi fyrir lóð nr. 2 við Hafnarstræti. Meðfylgjandi er deiliskipulagsuppdráttur.
Skipulagsráð samþykkir að gerð verði breyting á deiliskipulagi til samræmis við erindið með þeim skilyrðum að byggingarreitur verði færður 1,5 m frá lóðamörkum. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum Hafnarstrætis 4 og Aðalstrætis 13, 18, 20a og 20b auk þess sem leita skal umsagnar Minjastofnunar Íslands, umhverfis- og mannvirkjasviðs Akureyrarbæjar og Norðurorku.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.