Glerárdalur - styrkveiting 2020

Umhverfis- og mannvirkjaráð samþykkir að farið verði í verkið og mótframlag Akureyrarbæjar verði tekið af fjárfestingaráætlun innan fyrirtækis 3500 í flokknum stígar.

Umhverfis- og mannvirkjaráð lýsir ánægju með styrkveitinguna og samþykkir að leggja fram 20% mótframlag að upphæð kr. 4.761.000 og verður fjárhæðin tekin af framkvæmdaáætlun ársins í eignasjóði gatna.

Umhverfis- og mannvirkjaráð samþykkir að óska eftir stöðuskýrslu um framkvæmdina til þessa og að lögð verði fram verklýsing á áframhaldandi vinnu.

Áætlað að verki verði lokið á árinu 2022.

Umhverfis- og mannvirkjaráð óskar eftir því að horft verði til Stjórnunar- og verndaráætlunar 2018-2027 fyrir Glerárdal og framkvæmdaleyfis frá Umhverfisstofnun. En þar er lagt upp með að bæta aðgengi að fólkvanginum með stígagerð. Skulu stigarnir vera til þess fallnir að minnka ágang fólks fyrir utan stíga og þannig tryggja verndun og aðgengi til framtíðar.

Horfa skal til athugasemda hagsmunahópa á sama tíma og bætt aðgengi sé haft til hliðsjónar þar sem nýir hópar komi til með að geta og vilja njóta fólkvangsins.

Rætt var um drög að verklýsingu fyrir áframhaldandi framkæmd.

Umhverfis- og mannvirkjaráð lýsir ánægju með áframhaldandi stígagerð. Ráðið felur starfsfólki að vinna áfram með Ferðafélagi Akureyrar og vinna að gerð samkomulags um framkvæmdina sem lagt verði fyrir ráðið við fyrsta tækifæri.

Umhverfis- og mannvirkjaráð leggur áherslu á að framkvæmd við 2. áfanga verði í góðu samráði við Ferðafélag Akureyrar og að gætt verði að því að halda raski í lágmarki. Nauðsynlegt er að fara í endurheimt á því landi sem raskaðist við fyrri framkvæmdir, þar var stærra svæði fyrir raski en áætlað var.

Umhverfis- og mannvirkjaráð felur sviðsstjóra að vinna málið áfram og sækja um nýtt framkvæmdaleyfi sem leyfir slóða að hámarki 1 metra að meðtöldu rasksvæði.

Umhverfis og mannvirkjaráð samþykkir að kostnaður vegna umframkostnaðar við framkvæmdirnar verði færður innan Gangstétta og stíga.