Rangárvellir 3 - fyrirspurn

Erindi dagsett 25. september 2018 þar sem Andri Páll Hilmarsson fyrir hönd Rarik ohf., kt. 520269-2669, leggur inn fyrirspurn um mögulega stækkun á aðveitustöð Rarik á Rangárvöllum. Meðfylgjandi er teikning.

Erindi dagsett 3. október 2019 frá Andra Páli Hilmarssyni fyrir hönd Rarik ohf., kt. 520269-2669, varðandi stækkun aðveitustöðvar á lóð 3 við Rángárvelli. Gert er ráð fyrir afmörkun byggingarreitar í breytingartillögu sem nú er í gangi (sjá mál nr. 7) en nú er verið að óska eftir að byggingarreiturinn stækki meira til norðurs auk þess að heimilt verði að byggja spennabása (7,5 x 20 m og 5 m háa) vestan til á lóðinni. Er óskað eftir að umsóknin verði afgreidd sem sér mál en ekki í samhengi við breytingar á öðrum lóðum.

Lögð fram tillaga að breytingu á deiliskipulagi iðnaðar- og athafnasvæðis Rangárvalla sem nær til lóðar nr. 3, til samræmis við bókun skipulagsráðs frá 9. október 2019. Er í breytingunni afmarkaður byggingarreitur sem er 9 x 16 m að stærð en nýtingarhlutfall lóðar verður óbreytt, það er 0.3, sem felur í sér hámarksbyggingarmagn upp á 240 m². Þá er gert ráð fyrir að vestan til í lóðinni verði heimilt að steypa bása fyrir spenna.