Skipulagsráð

325. fundur 30. október 2019 kl. 08:00 - 10:30 Fundarsalur á 1. hæð í Ráðhúsi
Nefndarmenn
  • Tryggvi Már Ingvarsson formaður
  • Orri Kristjánsson
  • Ólöf Inga Andrésdóttir
  • Arnfríður Kjartansdóttir
  • Þórhallur Jónsson
  • Þorvaldur Helgi Sigurpálsson áheyrnarfulltrúi
Starfsmenn
  • Pétur Ingi Haraldsson sviðsstjóri skipulagssviðs
  • Margrét Mazmanian Róbertsdóttir verkefnastjóri skipulagsmála
  • Leifur Þorsteinsson fundarritari
Fundargerð ritaði: Leifur Þorsteinsson byggingarfulltrúi
Dagskrá
Þorvaldur Helgi Sigurpálsson áheyrnarfulltrúi M-lista mætti í forföllum Helga Sveinbjörns Jóhannssonar.

Formaður ráðsins bar upp tillögu um að liður 9 í útsendri dagskrá yrði tekinn út af dagskrá, þar sem umsækjandi dróg umsóknina til baka, og var það samþykkt.

1.Hólasandslína 3 - aðalskipulagsbreyting vegna tilfærslu

2019090345

Lögð fram tillaga að breytingu á aðalskipulagi í samræmi við bókun skipulagsráðs frá 25. september 2019 sem felur í sér breytingu á legu Hólasandslínu 3 á tveimur stöðum. Annars vegar á svæði sunnan flugvallar og hins vegar á svæði meðfram reiðvegi norðan frístundasvæðis við Kjarnalund. Meðfylgjandi er umsögn Isavia dagsett 16. október 2019, Minjastofnunar dagsett 23. október 2019 og Umhverfisstofnunar dagsett 21. október 2019.
Skipulagsráð leggur til við bæjarstjórn að fyrirliggjandi tillaga að breytingu á aðalskipulagi verði samþykkt. Að mati ráðsins er breytingin óveruleg, sbr. 2. mgr. 36. gr. skipulagslaga nr. 123/2010, þar sem hún hefur hvorki verulegar breytingar á landnotkun í för með sér né sé líkleg til að hafa mikil áhrif á einstaka aðila eða áhrif á stór svæði.

2.Akureyrarflugvöllur - breyting á deiliskipulagi

2019030397

Erindi dagsett 28. mars 2019 þar sem Gísli Kristinsson fyrir hönd Landsnets hf., kt. 580804-2410, sækir um breytingu á deiliskipulagi fyrir Akureyrarflugvöll vegna Hólasandslínu 3. Er breytingin til samræmis við tillögu að breytingu á aðalskipulagi sem einnig er til afgreiðslu.
Skipulagsráð leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010.

3.Breiðholt - umsókn um breytt deiliskipulag vegna Hólasandslínu 3

2019100360

Erindi dagsett 21. október 2019 þar sem Árni Ólafsson fyrir hönd Landsnets hf., kt. 580804-2410, leggur inn tillögu að breyttu deiliskipulagi í hesthúsahverfi Breiðholts vegna Hólasandslínu 3. Meðfylgjandi er uppdráttur.
Skipulagsráð leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010.

4.Gudmannshagi 1 - umsókn um frest

2018030338

Erindi Jóns Páls Tryggvasonar dagsett 29. ágúst 2019, f.h. B.E. Húsbygginga, kt. 490398-2529, þar sem óskað er eftir fresti til framkvæmda á lóðinni Gudmannshagi 1 til 1 árs eða til næsta vors. Áður var búið að veita frest til 1. desember 2019.
Samþykkt að veita aukinn frest til framkvæmda á lóðinni til 1. júní 2020.

5.Gudmannshagi 1 - umsókn um breytt deiliskipulag

2019100377

Erindi dagsett 22. október 2019 þar sem Tryggvi Tryggvason fyrir hönd B.E. Húsbygginga ehf., kt. 490398-2529, sækir um að fá að leggja fram breytingu á deiliskipulagi fyrir lóð nr. 1 við Gudmannshaga. Eru helstu breytingar eftirfarandi:

- að heimilt verði að byggja kjallara fyrir bílgeymslu og geymslur fyrir íbúðir,

- að heimilt verði að byggja 4. hæða hús í stað 3. hæða

- að hámarks vegghæð húss fari úr 10,3 m í 11,7 m, sem jafnframt verður hámarkshæð húss (flatt þak)

- að nýtingarhlutfall húss verði 1,25 í stað 1,0 og að nýtingarhlutfall bílgeymslu verði 0,45

- að byggingarreit við götu verði hliðrað um 0,3 m vegna bílgeymslu

- að bílastæðum við götu verði hliðrað vegna aðkomu að bílageymslu auk þess að stæðum verði fjölgað um 5

- að aðkomu að leiksvæði verði breytt

- að svalir fái að ná 2 m út fyrir byggingarreit

- að stigahús og svalagangar megi fara allt að 0,6 m út fyrir byggingarreit.

Meðfylgjandi er samþykki lóðarhafa Gudmannshaga 2 og Kristjánshaga 6 fyrir ofangreindum breytingum.
Skipulagsráð heimilar umsækjanda að leggja fram tillögu að breytingu á deiliskipulagi í samræmi við umsókn. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og samþykkir að grenndarkynna hana skv. 44. gr. laganna þegar gögn berast frá umsækjanda.

6.Rangárvellir 3 - fyrirspurn

2018100221

Lögð fram tillaga að breytingu á deiliskipulagi iðnaðar- og athafnasvæðis Rangárvalla sem nær til lóðar nr. 3, til samræmis við bókun skipulagsráðs frá 9. október 2019. Er í breytingunni afmarkaður byggingarreitur sem er 9 x 16 m að stærð en nýtingarhlutfall lóðar verður óbreytt, það er 0.3, sem felur í sér hámarksbyggingarmagn upp á 240 m². Þá er gert ráð fyrir að vestan til í lóðinni verði heimilt að steypa bása fyrir spenna.
Að mati ráðsins er breytingin óveruleg og samþykkir að grenndarkynna hana skv. 44. gr. skipulagslaga nr. 123/2010.





7.Rangárvellir 4 - umsókn um stækkun lóðar

2018010252

Lögð fram að nýju að lokinni auglýsingu, tillaga að breytingu á deiliskipulagi iðnaðar- og athafnasvæðis á Rangárvöllum sem nær til lóða 3, 4 og 6 ásamt innkomnum athugasemdum og umsögnum. Þá er einnig lögð fram tillaga að umsögn um efnisatriði athugasemda og umsagna, dagsett 25. október 2019 auk álits fyrrverandi skipulagsfulltrúa, Bjarka Jóhannessonar, dagsett 17. maí 2019 á samræmi deiliskipulagsbreytingarinnar við gildandi aðalskipulag. Eins og bókað var á fundi skipulagsráðs 9. október 2019 er gert ráð fyrir að lóð nr. 3 verði utan skipulagsmarka.
Skipulagsráð leggur til við bæjarstjórn að deiliskipulagsbreytingin verði samþykkt, ásamt tillögu að umsögn um athugasemdir, með þeirri breytingu að textinn "Lóðarstækkun fyrirhuguð síðar" verði felldur út auk þess sem afmörkun stækkunar verði tekin út og gróðurbeltið aðlagað að því.

8.Hafnarstræti 34 - umsókn um breytt deiliskipulag

2019090300

Lögð fram tillaga að breytingu á deiliskipulagi á lóðinni Hafnarstræti 34 til samræmis við bókun skipulagsráðs frá 9. október 2019. Í breytingunni felst að lóðinni er breytt í íbúðarhúsalóð, gert ráð fyrir að fjarlægja megi núverandi atvinnuhúsnæði og byggja í staðinn tvö íbúðarhús með allt að 8 íbúðum. Eru afmörkuð 8 ný stæði á lóðinni. Þá er einnig gert ráð fyrir að lóð spennistöðvar minnki þannig að núverandi gata og bílastæði verði utan hennar.
Skipulagsráð leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010 þegar gerðar hafa verið minniháttar lagfæringar á gögnum í samráði við skipulagssvið.

9.Ystabæjarvegur, Hrísey - umsókn um lóð vegna dælustöðvar

2015030214

Erindi Tryggva Tryggvasonar dagsett 22. október 2019, fyrir hönd Norðurorku hf., kt. 550978-0169, þar sem óskað er eftir færslu á byggingarreit fyrir dælustöð á lóðinni Ystabæjarvegi 7 í Hrísey auk þess sem aðkoma inn á lóðina breytist.
Skipulagsráðs samþykkir erindið. Ekki er talin þörf á að grenndarkynna umsóknina og vísar afgreiðslu á byggingarleyfi fyrir dælustöð til byggingarfulltrúa.

10.Heiðartún 5 - umsókn um frest

2019010046

Erindi dagsett 11. október 2019 þar sem Björn Ómar Sigurðsson, kt. 110690-3639, sækir um framkvæmdarfrest á lóð nr. 5 við Heiðartún til 15. maí 2020. Framkvæmdarfresturinn rann út 10. október sl.
Samþykkt að veita frest til framkvæmda á lóðinni til 15. maí 2020.

11.Strandgata 33 - umsókn um byggingarleyfi fyrir breytingum

2019090554

Byggingarfulltrúi óskar umsagnar skipulagsráðs um erindi dagsett 24. september 2019 þar sem Valþór Brynjarsson fyrir hönd Vesturkants ehf., kt. 541008-0630, sækir um byggingarleyfi fyrir breytingum á húsi nr. 33 við Strandgötu. Fyrirhugað er að breyta innra skipulagi á rishæð, breyta útliti kvists að norðan þar sem stigagangur bakinngangs er og útbúa svalir á vesturgafl. Meðfylgjandi eru teikningar eftir Valþór Brynjarsson og umsögn Minjastofnunar.
Tryggvi Már Ingvarsson B-lista bar upp vanhæfi sitt í málinu og var það samþykkt. Vék hann af fundi við umræður og afgreiðslu málsins.

Skipulagsráð samþykkir að grenndarkynna umsóknina skv. 44. gr. skipulagslaga nr. 123/2010.

12.Sjafnarstígur 3 - fyrirspurn vegna stækkunar húss

2019100130

Byggingarfulltrúi óskar umsagnar skipulagsráðs um erindi dagsett 4. október 2019 þar sem Haukur Haraldsson fyrir hönd Oddfellowhússins Sjafnarstíg 3, kt. 530995-2329, leggur inn fyrirspurn hvort leyfi fengist til að stækka hús nr. 3 við Sjafnarstíg. Meðfylgjandi eru fyrirspurnarteikningar eftir Hauk Haraldsson.
Skipulagsráð samþykkir að grenndarkynna umsóknina skv. 44. gr. skipulagslaga nr. 123/2010.

13.Spítalavegur 11 Tónatröð - Breytingar á húsnæði

2019100402

Lagt fram minnisblað umhverfis- og mannvirkjasviðs dagsett 24. október 2019 um Spítalaveg nr. 11. Kemur þar fram ósk um að fá að nýta húsið sem tvær íbúðareiningar ætlaðar einstaklingum sem leigja félagslegt húsnæði hjá Akureyrarbæ. Samkvæmt gildandi deiliskipulagi er gert ráð fyrir húsið verði rifið og í staðinn byggt nýtt einbýlishús.
Skipulagsráð frestar afgreiðslu.

14.Sólskógar - nýtt götuheiti

2019100175

Erindi dagsett 4. október 2019 þar sem lögð er fram tillaga lóðarskrárritara Akureyrarbæjar um að gatan þar sem gróðrarstöðin Sólskógar stendur við fái götuheiti.
Skipulagsráð felur sviðsstjóra skipulagssviðs að leita eftir tillögum að götuheiti frá nemendum í Naustaskóla í samráði við skólastjórnendur.

15.Hlíðarfjall - umsókn um framkvæmdarleyfi fyrir sprengimastri

2019100206

Erindi dagsett 1. október 2019 þar sem Ingi Björnsson fyrir hönd Stólalyftu ehf., kt. 441217-0210, sækir um leyfi til uppsetningar á sprengimastri fyrir ofan nýja stólalyftu. Meðfylgjandi eru teikningar eftir Adam Traustason.
Skipulagsráð hefur yfirfarið meðfylgjandi hönnunargögn vegna framkvæmda við sprengimastur, sem er í samræmi við samþykkt aðal- og deiliskipulag, og samþykkir útgáfu framkvæmdaleyfisins. Eftirfarandi skilyrði setur skipulagsráð fyrir veitingu framkvæmdaleyfisins:

Framkvæmdin skal unnin í samráði við Veðurstofuna.

16.Efnistaka við Glerárós - ákvörðun um matsskyldu og framkvæmdarleyfi

2019100380

Lagt fram að nýju erindi Péturs Ólafssonar dagsett 4. júní 2019, f.h. Hafnasamlags Norðurlands, kt. 650371-2919, þar sem tilkynnt er til Akureyrarbæjar fyrirhuguð allt að 49.000 rúmmetra efnistaka af hafsbotni við Glerárós en framkvæmdin fellur undir lið 2.04 í 1. viðauka laga um mat á umhverfisáhrifum framkvæmda nr. 106/2000. Framkvæmdin fól í sér að gera þurfti breytingu á aðalskipulagi og tók sú breyting formlega gildi með auglýsingu í B-deild stjórnartíðinda þann 22. október 2019. Umsagnir bárust frá Náttúrufræðistofnun dagsett 10. júlí 2019 og Umhverfisstofnun dagsett 21. ágúst 2019.
Framkvæmdin fellur undir lið 2.04 í 1. viðauka laga um mat á umhverfisáhrifum nr. 106/2000. Hún er tilkynningarskyld til leyfisveitanda, þ.e. Akureyrarbæjar, sem ákvarðar hvort framkvæmdin skuli háð mati á umhverfisáhrifum áður en framkvæmdarleyfi verður veitt. Í samræmi við 6. gr. laga nr. 106/2000 hefur Akureyrarbær farið yfir tilkynningu framkvæmdaraðila. Niðurstaða er að efnistaka við Glerárós sé ekki líkleg til að hafa í för með sér umtalsverð umhverfisáhrif, sbr. viðmið í 2. viðauka laga nr. 106/2000. Því skal framkvæmdin ekki háð mati á umhverfisáhrifum.

Skipulagsráð hefur yfirfarið meðfylgjandi gögn vegna efnistökunnar, sem er í samræmi við samþykkt aðal- og deiliskipulag, og samþykkir útgáfu framkvæmdarleyfisins.

Eftirfarandi skilyrði setur skipulagsráð fyrir veitingu framkvæmdarleyfisins:

Framkvæmdin skal vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

17.Eyjafjarðará, vesturkvísl - umsókn um framkvæmdaleyfi fyrir brú og stíg

2019100220

Erindi dagsett 9. október 2019 þar sem Þórir Guðmundsson fyrir hönd umhverfis- og mannvirkjasviðs Akureyrarbæjar, kt. 410169-6229, sækir um framkvæmdaleyfi fyrir byggingu brúar og gerð stígs við vesturkvísl Eyjafjarðarár. Meðfylgjandi eru umsagnir Minjastofnunar, Umhverfisstofnunar, Óshólmanefndar, Veiðifélags Akureyrar, Fiskistofu, Hestamannafélagsins Léttis og umsjónarmanns fiskirannsókna við Eyjafjarðará ásamt skýringarmyndum frá Eflu.
Skipulagsráð hefur yfirfarið meðfylgjandi hönnunargögn vegna framkvæmdar við byggingu brúar og gerð stígs við vesturkvísl Eyjafjarðarár, sem eru í samræmi við gildandi aðal- og deiliskipulag. Er útgáfa framkvæmdarleyfis fyrir stígnum samþykkt, en þar sem bygging brúarinnar er byggingarleyfisskyld er þeim hluta málsins vísað til afgreiðslu byggingarfulltrúa. Nákvæm staðsetning hestagerðis skal ákveðin í samráði við Landsnet.

18.Minningargarður

2019090495

Erindi dagsett 20. september 2019 frá Sigríði Bylgju Sigurjónsdóttur, fyrir hönd Trés lífsins ehf., kt. 571201-6740, þar sem spurt er hvort áhugi sé fyrir því að opna Minningargarð á Akureyri. Málið var tekið fyrir í bæjarráði 10. september 2019 og var erindinu vísað til skipulagssviðs.
Skipulagsráð frestar afgreiðslu og felur sviðsstjóra skipulagssviðs að leita umsagna Kirkjugarða Akureyrar.

19.Afgreiðslur byggingarfulltrúa 2019

2019010038

Lögð fram til kynningar fundargerð 743. fundar, dagsett 10. október 2019, með fullnaðarafgreiðslum erinda. Fundargerðin er í 3 liðum og er að finna á heimasíðu Akureyrarbæjar.

20.Afgreiðslur byggingarfulltrúa 2019

2019010038

Lögð fram til kynningar fundargerð 744. fundar, dagsett 17. október 2019, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.

Fundi slitið - kl. 10:30.