Bæjarráð

Unnið að gerð fjárhagsáætlunar.
Jón Bragi Gunnarsson hagsýslustjóri og Dan Jens Brynjarsson fjármálastjóri sátu fund bæjarráðs undir þessum lið.
Einnig sátu fundinn undir þessum lið bæjarfulltrúarnir Eva Hrund Einarsdóttir D-lista og Njáll Trausti Friðbertsson D-lista.

Bjarki Ármann Oddsson formaður skólanefndar og Árni Konráð Bjarnason rekstrarstjóri skóladeildar mættu á fund bæjarráðs undir þessum lið og fóru ásamt Gunnari Gíslasyni fræðslustjóra yfir rekstrarstöðu og horfur í málaflokknum.
Einnig sátu Dan Jens Brynjarsson fjármálastjóri og Jón Bragi Gunnarsson hagsýslustjóri fundinn undir þessum lið.

Dan Jens Brynjarsson fjármálastjóri sat fund bæjarráðs undir þessum lið og fór yfir skýrslu unna af Capacent um fasteignamarkaðinn á Akureyri, stöðu og framtíðarhorfur.
Einnig sat Jón Bragi Gunnarsson hagsýslustjóri fundinn undir þessum lið.

Lögð fram til kynningar starfslýsing aðstoðarmanns bæjarstjóra.

Erindi dags. 18. september 2014 frá innanríkisráðuneytinu þar sem boðað er til ársfundar Jöfnunarsjóðs sveitarfélaga sem haldinn verður miðvikudaginn 8. október nk. kl. 16:00 á Hilton Reykjavík Nordica, Suðurlandsbraut 2, Reykjavík.

Erindi dags. 19. september 2014 frá Ólöfu Hörpu Jósefsdóttur forstöðumanni þar sem hún boðar fyrir hönd stjórnar til aðalfundar Flokkunar Eyjafjörður ehf mánudaginn 6. október nk. kl. 14:00 á Hótel Kea.

Lögð fram áætlun um viðtalstíma bæjarfulltrúa frá október 2014 til maí 2015.
Áætlunin verður birt á heimasíðu Akureyrarbæjar, slóðin er: http://www.akureyri.is/stjornkerfid/baejarstjorn/