Bæjarráð

Kynnt tillaga að endurskoðuðum reglum um símenntun starfsfólks Akureyrarbæjar.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Með vísan í Jafnlaunastefnu Akureyrarbæjar sem samþykkt var í bæjarstjórn 12. apríl 2022 er lögð fram til umfjöllunar tillaga að verklagsreglum bæjarráðs um heimildir vegna kjaraákvarðana og hlunninda sem setja skulu skýran ramma um framkvæmd jafnlaunastefnu. Verklagsreglur þessar skulu endurskoðaðar af bæjarráði eftir þörfum.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Tekið fyrir erindi dagsett 11. apríl 2022 frá Jóhannesi Baldri Guðmundssyni framkvæmdastjóra Félagsstofnunar stúdenta á Akureyri þar sem óskað er eftir tilnefningu aðal- og varafulltrúa í stjórn FÉSTA til tveggja ára.

Erindi dagsett 6. apríl 2022 frá Jóhanni Steinari Jóhannssyni f.h. stjórnar Stapa lífeyrissjóðs þar sem boðað er til ársfundar sjóðsins miðvikudaginn 4. maí nk. kl. 16:00. Fundurinn verður rafrænn en hlekkur á fundinn og upplýsingar um atkvæðagreiðslu verða sendar fulltrúum í tölvupósti þegar nær dregur fundi.

Lagt fram erindi dagsett 4. apríl 2022 frá formanni kjörstjórnar Akureyrar vegna komandi sveitarstjórnarkosninga þann 14. maí nk. Þar kemur fram tillaga kjörstjórnar um að Akureyrarbæ verði skipt í tólf kjördeildir, tíu á Akureyri, ein í Hrísey og ein í Grímsey. Lagt er til að á Akureyri verði kjörstaður í Verkmenntaskólanum á Akureyri, í Hrísey verði kjörstaður í Hríseyjarskóla og að í Grímsey verði kjörstaður í Grímseyjarskóla. Lagt er til að tveir kjörklefar verði í hverri kjördeild á Akureyri, einn í Hrísey og einn í Grímsey. Þá hefur kjörstjórn ennfremur ákveðið að leggja til við bæjarráð að kjörfundur standi frá klukkan 09:00 til 22:00 á Akureyri, í Hrísey og í Grímsey. Óskar kjörstjórn eftir því við bæjarráð að ofangreindar tillögur verði samþykktar.

Lögð fram tillaga að fjölda tíma hjá 14, 15, 16 og 17 ára ungmennum í vinnuskólanum í sumar.

Halla Margrét Tryggvadóttir sviðsstjóri mannauðssviðs og Karl Frímannsson sviðsstjóri fræðslu- og lýðheilsusviðs sátu fund bæjarráðs undir þessum lið.

Síðari umræða um ársreikning Akureyrarbæjar fyrir árið 2021.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Liður 11 í fundargerð skipulagsráðs dagsettri 6. apríl 2022:

Lagt fram erindi Búfesti hsf. dagsett 1. apríl 2022 þar sem óskað er eftir formlegri úthlutun lóðarinnar Þursaholts 2-10 til samræmis við viljayfirlýsingu bæjarstjórnar frá 4. maí 2021. Er miðað við að fyrsti áfangi framkvæmdar verði uppbygging bílakjallara auk húsa 2, 4 og 6 og stefnt skuli að framkvæmdum sem fyrst.

Skipulagsráð samþykkir að úthluta lóðinni til Búfesti hsf. Deiliskipulagsskilmálar ásamt almennum byggingarskilmálum gilda.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Ákvörðun um skiptingu gatnagerðargjalda er vísað til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lögð fram tillaga fulltrúa Akureyrarbæjar og Vina Hlíðarfjalls að nafni á nýja skíðalyftu í Hlíðarfjalli.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Lögð fram drög að frumvarpi til laga um breytingu á ýmsum lagaákvæðum vegna tilfærslu fasteignaskrár frá Þjóðskrá Íslands til Húsnæðis- og mannvirkjastofnunar sem hafa verið birt í Samráðsgátt.

Innviðaráðuneytið óskar eftir umsögnum um drögin, eigi síðar en 11. apríl 2022. Drögin má finna á slóðinni: https://samradsgatt.island.is/oll-mal/$Cases/Details/?id=3189