Bæjarráð

3501. fundur 07. apríl 2016 kl. 08:30 - 10:26 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Matthías Rögnvaldsson
  • Sigríður Huld Jónsdóttir
  • Eva Hrund Einarsdóttir
  • Preben Jón Pétursson
  • Sóley Björk Stefánsdóttir áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá
Sigríður Huld Jónsdóttir S-lista mætti í forföllum Loga Más Einarssonar.
Eva Hrund Einarsdóttir D-lista mætti í forföllum Gunnars Gíslasonar.

1.Tímabundin viðbótarlaun vegna markaðsaðstæðna

2016040009

2. liður í fundargerð kjarasamninganefndar dagsett 5. apríl 2016:

Kynnt tillaga að breytingum á greiðslu tímabundinna viðbótarlauna (TV eininga) vegna markaðsaðstæðna.

Kjarasamninganefnd leggur til við bæjarráð, í kjölfar nýgerðra kjarasamninga, að felldar verði úr gildi fyrri samþykktir frá árinu 2006 til 2016 með síðari breytingum um úthlutun tímabundinna viðbótarlauna vegna markaðsaðstæðna við nýráðningar. Frá 1. apríl 2016 verði því í engum tilfellum greidd tímabundin viðbótarlaun til starfsmanna sem ráðnir verða til starfa hjá Akureyrarbæ.

Um greiðslu eftirstöðva tímabundinna viðbótarlauna vegna markaðsaðstæðna til þeirra sem fengu þeim úthlutað fyrir 1. apríl 2016 og eiga rétt á greiðslu eftirstöðva tímabundinna viðbótarlauna samkvæmt sólarlagi í kjarasamningi aðila halda þeim í samræmi við sérákvæði kjarasamninga Sambands íslenskra sveitarfélaga við Dýralæknafélag Íslands, Sálfræðingafélag Íslands og Félagsráðgjafafélag Íslands.

Halla Margrét Tryggvadóttir starfsmannastjóri sat fund bæjarráðs undir þessum lið.
Bæjarráð samþykkir tillögu kjarasamninganefndar.

2.Tímabundin viðbótarlaun vegna verkefna og hæfni

2016040010

4. liður í fundargerð kjarasamninganefndar dagsett 5. apríl 2016:

Lögð fram tillaga þess efnis að eftir úthlutun vorið 2016 á tímabundnum viðbótarlaunum vegna verkefna og hæfni verði úthlutun hætt hjá Akureyrarbæ og núgildandi reglur um úthlutun sem samþykktar voru í bæjarráði 14. febrúar 2014 felldar úr gildi.

Kjarasamninganefnd leggur til við bæjarráð, í kjölfar nýgerðra kjarasamninga, að úthlutun tímabundinna viðbótarlauna vegna verkefna og hæfni vorið 2016 sem tekin verður til afgreiðslu á næsta fundi nefndarinnar verði síðasta úthlutun Akureyrarbæjar á tímabundnum viðbótarlaunum vegna verkefna og hæfni.

Kjarasamninganefnd leggur jafnframt til við bæjaráð að reglur Akureyrarbæjar dagsettar 14. febrúar 2014 um úthlutun tímabundinna viðbótarlauna vegna verkefna og hæfni verði felldar úr gildi að þeirri úthlutun lokinni.

Halla Margrét Tryggvadóttir starfsmannastjóri sat fund bæjarráðs undir þessum lið.
Bæjarráð samþykkir tillögu kjarasamninganefndar.

3.Stangveiði frá Leiruveginum eða meðfram ströndinni í Akureyrarbæ

2015050166

Bæjarstjóri og bæjarlögmaður kynntu viðræður við Veiðifélag Eyjafjarðarár um stangveiði í ósum Eyjafjarðarár.

4.Molta ehf - aðalfundur 2016

2016030201

Erindi dagsett 29. mars 2016 frá Ólöfu Hörpu Jósefsdóttur framkvæmdastjóra þar sem boðað er til aðalfundar Moltu ehf, mánudaginn 18. apríl nk. kl. 13:00. Fundurinn verður haldinn á Hótel KEA, Akureyri.
Bæjarráð felur formanni umhverfisnefndar að fara með umboð Akureyrarbæjar á aðalfundinum.

5.Stjórn Sambands íslenskra sveitarfélaga - fundargerðir 2016

2016010056

Lögð fram til kynningar fundargerð 837. fundar stjórnar Sambands íslenskra sveitarfélaga dagsett 18. mars 2016. Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx

6.Eyþing - fundargerðir

2010110064

Lögð fram til kynningar fundargerð 278. fundar stjórnar Eyþings dagsett 9. mars 2016.

Fundargerðina má finna á netslóðinni: http://www.eything.is/is/fundargerdir

7.Viðtalstímar bæjarfulltrúa fundargerðir veturinn 2015-2016

2015110022

Lögð fram fundargerð viðtalstíma bæjarfulltrúa dagsett 31. mars 2016. Fundargerðin er í 10 liðum.
Bæjarráð vísar 1. lið til Norðurorku, 4., 8. og 9. lið til framkvæmdadeildar, 10. lið til skipulagsdeildar, 6. lið er vísað til kynningar á búsetudeild.

2., 3., 5. og 7. liður eru lagðir fram til kynningar í bæjarráði.

8.Hverfisnefnd Holta- og Hlíðahverfis - fundargerðir 2016

2016010037

Lagðar fram til kynningar fundargerðir 89., 90. og 91. fundar hverfisnefndar Holta- og Hlíðahverfis dagsett 3. nóvember 2015, 5. janúar og 1. mars 2016. Fundargerðirnar má finna á netslóðinni:

http://www.akureyri.is/is/stjornkerfid/hverfisnefndir/holta-og-hlidahverfi/fundargerdir-2014-2015

9.Hverfisnefnd Oddeyrar - fundargerðir 2016

2016010035

Lagðar fram fundargerðir 66. og 67. fundar hverfisnefndar Oddeyrar dagsettar 23. febrúar og 29. mars 2016.

Fundargerðirnar má finna á vefslóðinni:

http://www.akureyri.is/is/stjornkerfid/hverfisnefndir/oddeyri/fundargerdir
Bæjarráð vísar 2. lið fundargerðar 66. fundar til framkvæmdadeildar og 3. lið til skipulagsdeildar, 1. liður er lagður fram til kynningar í bæjarráði.

Fundargerð 67. fundar er lögð fram til kynningar í bæjarráði.

Fundi slitið - kl. 10:26.