Sorphirða

Sumaropnun gámasvæðiðs (16. maí til 15. ágúst)grenndarstöð
Mánudaga til föstudaga kl. 13:00 – 20:00
Laugardaga og sunnudaga kl 13:00 – 17:00

Vetraropnun gámasvæðis (16. ágúst til 15. maí)
Mánudaga til föstudaga kl. 13:00 – 18:00
Laugardaga og sunnudaga kl. 13:00 – 17:00

Terra - Norðurland (áður Gámaþjónusta Norðurlands) sér um sorphirðu á Akureyri. Sími: 414-0200.

Sorphirðudagatal 2020

Bæklingur um flokkun

Gámasvæðið

Söfnunar- og móttökustöð Akureyrar er staðsett við Rangárvelli 2. Stöðin er starfrækt samkvæmt starfsleyfi frá Umhverfisstofnun með gildistíma til 24. maí 2027. Gámasvæðið er flokkunarstöð og því er mikilvægt að forflokka úrganginn áður en lagt er af stað. Þegar komið er að svæðinu þarf að framvísa klippikorti, starfsmaður skoðar farminn og kannar hvort um gjaldskyldan úrgang er að ræða.

Á gámasvæðinu eru tveir rampar. Annar er grænn og þar eru gámar fyrir endurvinnanleg efni sem sveitarfélagið ber ekki beinan kostnað af að endurvinna. Því er um að ræða gjaldfrjálsan úrgang og ekki er tekið klipp af korti. Hinn rampurinn er rauður og í hann fara efni sem bærinn ber kostnað af að endurvinna. Því er um að ræða gjaldskyldan úrgang og klipp af korti. Allir gámar eru merktir og starfsfólk er á staðnum til að leiðbeina. Tæma ber innihald allra plastpoka í viðeigandi ílát og hert eftirlit verður með því hvaða innihald pokar sem hent er í pressugám undir almennan úrgang til urðunar hafa að geyma. 

Gjaldfrjáls og gjaldskyldur úrgangur

Klippikort

Allir eigendur fasteigna sem greiða sorphirðugjald fá afhent eitt klippikort á ári sem inniheldur 4 m³ af gjaldskyldum úrgangi og er hægt að nálgast klippikortin í Ráðhúsi, Geislagötu 9. Til að komast inn á Gámasvæðið þurfa notendur að sýna klippikort. Einungis er klippt fyrir gjaldskyldan úrgang og tekið er á móti ógjaldskyldum úrgangi án klipps. Tilgangur klippikortsins er að flokkun verði markvissari og að kostnaður verði greiddur af þeim sem stofna til hans. Kortið veitir aðgang að svæðinu og því er nauðsynlegt er að hafa klippikortið meðferðis þegar farið er á gámasvæðið hvort sem um gjaldskyldan eða ógjaldskyldan úrgang er að ræða.Hvert klipp er upp á 0,25m³ sem samsvarar 240 lítra heimilistunnu.

Ef kortið dugir ekki út árið er hægt að kaupa nýtt kort á skrifstofu Terra (áður Gámaþjónusta Norðurlands) og í þjónustuveri Ráðhúss að Geislagötu 9. Nýtt kort kostar 8.000 krónur. Leigjendur fasteigna geta í upphafi fengið klippikort afhent hjá sínum leigusala (sem er eigandi/greiðandi sorphirðugjalda) eða keypt sér kort. Leigusala ber ekki skylda til að afhenda leigutaka kortið en það er æskilegt. Leigjendur hjá Akureyrarbæ sækja kortin til fjölskyldusviðs á Glerárgötu 26. 

Grenndarstöðvar

Á Akureyri eru 11 grenndarstöðvar þar sem hægt er að skila flokkuðum úrgangi til endurvinnslu. Þegar grenndarstöðvar eru nýttar kemur úrgangurinn forflokkaður á Gámasvæðið og auðveldar það vinnuna þar til muna. Á grenndarstöðvum er gámur undir dagblöð og tímarit, gámur undir bylgjupappa og sléttan pappa, gámur undir drykkjarfernur, gámur undir plastumbúðir, kar undir málma, kar undir gler, staurkassi undir rafhlöður, ílát undir kertaafganga og ílát undir matarolíu/steikingarfeiti. Grenndargámarnir eru tæmdir daglega en þrátt fyrir það fyllast þeir reglulega. Ef um mikið magn er að ræða er gott að fara með það beint upp á Gámasvæðið við Réttarhvamm.

Grenndarstöðvar eru á eftirtöldum stöðum:
• Glerártorg, austan verslunarmiðstöðvar
• Krambúðin við Byggðaveg 98
• Hagkaup við Hjalteyrargötu, á bílastæði
• Nettó Hrísalundi, vestan verslunarmiðstöðvar
• Krambúðin við Borgarbraut 1
• Urðargil við spennistöð
• Bónus í Naustahverfi, sunnan verslunar
• Innbær, við Skautahöll
• Ráðhús við Geislagötu
• Bónus Langholti
• Sunnuhlíð, við verslunarmiðstöð

akureyrikort

Loftmynd af grenndarstöðvum

Endurvinnslutunnan

Íbúar geta leigt sérstaka endurvinnslutunnu við heimili sitt frá Terra (áður Gámaþjónustan) eða Íslenska Gámafélaginu. Í Endurvinnslutunnuna má setja sjö flokka af umbúðum: Öll dagblöð/tímarit, pappír (bæklingar, umslög og ruslpóstur), sléttur pappi/bylgjupappi (s.s. hreinir pizzukassar og morgunkornspakkar), málmar (s.s. niðursuðudósir og lok af glerkrukkum), fernur (skolaðar og samanbrotnar) og plastumbúðir (s.s. sjampóbrúsar, plastdósir og plastpokar, áleggsbréf, kaffiumbúðir og snakkpokar) má setja laust í tunnuna. Rafhlöður og smáraftæki (símar) mega fara í endurvinnslutunnuna frá Terra en slík efni flokkast sem spilliefni og því er mjög nauðsynlegt að setja efnin í sérstaka poka sem hægt er að nálgast hjá Terra við Réttarhvamm.

Allt efni sem fer í endurvinnslu þarf að vera nokkuð hreint og gæta þarf að því að ekki séu matarafgangar í umbúðum t.d. þarf að skola fernur vandlega. Miðað er við að staðsetja sorptunnur þar sem aðgengi er gott til losunar og helst eiga þær að vera staðsettar götu megin húss. Kjósi íbúi að staðsetja tunnu annars staðar en viðmið segir til um þarf íbúi að koma tunnunni á aðgengilegan stað á losunardegi.

Hrísey

Í Hrísey eru 95 íbúðir. Engar tunnur eru þar við heimahús, en íbúar skila af sér úrgangi á fimm grenndarstöðvum. Þar eru ílát fyrir óflokkaðan úrgang, en einnig fyrir úrgang til endurvinnslu, þ.e. bylgjupappa, sléttan pappa og fernur, dagblöð og tímarit og fyrir mjúkt og hart plast. Þar er einnig að finna samtals 5 tunnur fyrir gler og 12 tunnur fyrir lífrænan úrgang. Ílátin á grenndarstöðvunum eru losuð einu sinni í viku.

Grímsey

Í Grímsey eru 34 íbúðir. Við hverja íbúð er tunna með pokagrind og sorppoka fyrir óflokkaðan heimilisúrgang, auk íláta fyrir lífrænan úrgang sem höfð eru til hliðar við tunnuna eða innandyra. Óflokkuðum og lífrænum úrgangi er safnað reglulega og komið fyrir í gámum sem standa við höfnina, en þar eru einnig gámar fyrir timbur, málma og önnur endurvinnsluefni. Gámarnir eru fluttir með Grímseyjarferjunni til Dalvíkur og þaðan til losunar á Akureyri. Flokkun í gámana hefur verið ábótavant þannig að nær allur úrgangurinn hefur endað í urðun að timbri og járni frátöldu. Mjög lítið hefur safnast af lífrænum úrgangi.