Síðasta föstudag útskrifuðust 11 kennarar með grunnmenntun PMTO frá leik- og grunnskólum Akureyrarbæjar, ásamt tveimur starsmönnum frá grunnskóla Fjallabyggðar. Lokaverkefni starfsmanna voru skemmtilega fjölbreytt og áhugaverð.
Akureyrarbær hefur markað sér þá stefnu að efla færni foreldra í uppeldi barna sinna með áherslu á PMTO foreldrafærni og hefur PMTO grunnmenntun fagfólks verið hluti af því verkefni síðustu 12 árin.
Á myndinni má sjá hópinn sem lauk grunnmenntun PMTO ásamt kennurum. Leiðbeinendur á námskeiðinu voru Dalrós Halldórsdóttir, félagsráðgjafi og PMTO meðferðaraðili, Helga Vilhjálmsdóttir, sálfræðingur og PMTO meðferðaraðili, og Guðbjörg Ingimundardóttir, félagsráðgjafi og PMTO meðferðaraðili.