Ein skemmtilegasta hátíð ársins nálgast

Blásarafjör! er eitt af styrktum verkefnum hátíðarinnar árið 2023.

Bæjarráð hefur úthlutað styrkjum til fjölbreyttra verkefna í tengslum við Barnamenningarhátíð á Akureyri. Alls hlutu 14 verkefni brautargengi. 

Auk þess eru verkefnin Hæfileikakeppni Akureyrar og Sumartónar í Hofi orðin af föstum liðum á hátíðinni

Allur aprílmánuður verður helgaður hátíðinni og eru einstaklingar, hópar, fyrirtæki og stofnanir hvött til almennrar þátttöku. Áhugasömum er bent á nánari upplýsingar á barnamenning.is. Opið er fyrir umsóknir um almenna þátttöku í Barnamenningarhátíð á Akureyri til og með 5. mars.

Styrkt verkefni hátíðarinnar í ár eru:

• Fiðrildi, býflugur og þrír kenjóttir kettir / Flautukórinn Ciuf Ciud
• Lítil saga úr orgelhúsi / Listvinafélag Akureyrarkirkju
• Ofurhetjuperl - sýning og smiðja / Snorri Valdemar Sveinsson
• Silent disco fyrir 8.-10. bekk / Amtsbókasafnið á Akureyri
• Lifandi mósaík verk í andyri Amtsbókasafnsins / Amtsbókasafnið á Akureyri
• Heimur og haf / Leikskólinn Kiðagil, deildirnar Engjarós og Smári
• Tónatal / Elsa María Guðmundsdóttir
• Myndlistarverkstæði Gilfélagsins 2023 / Gilfélagið
• Blásarafjör! / Blásarasveitir Tónlistarskólans á Akureyri
• Barnaleikir fyrr og nú / Heilsuvernd Hjúkrunarheimili
• Skringill og Bríet - Vorið kemur! / Arnbjörg Kristín Konráðsdóttir
• Teiknimyndagerð / Félagsmiðstöðvar Akureyrar
• Þjóðsögur 21. aldar / Markús Már Efraím Sigurðsson
• Leikur í list - Listasmiðjur fyrir leikskólabörn / Listasafnið á Akureyri

Verkefni og dagskrá hátíðarinnar verða nánar kynnt síðar.