Samgöngur

Stuttar vegalengdir

Á Akureyri eru vegalengdir stuttar og frítt er að nota almenningssamgöngur bæjarins. Það er því tilvalið að labba, hjóla eða nýta sér strætó. KORTer er smáforrit í síma sem sýnir á korti staðsetningu viðkomandi og það svæði sem er innan fimmtán mínútna, gangandi eða hjólandi. Einnig er hægt að sjá leiðanet strætó í forritinu. 

Frítt í strætó

Unnið er að nýju leiðaneti fyrir strætó en markmiðið með endurskoðun leiðanetsins er að bæta þjónustu og fjölga farþegum. Frekari upplýsingar um endurskoðun leiðanetsins má finna á vefsíðu verkefnisins. Hægt er að skoða nánar ferðir strætivagna á straeto.is, í smáforriti Strætó fyrir síma og einnig bendum við á Facebook-síðu SVA þar sem hægt er að finna upplýsingar um raskanir á akstri, óskilamuni og fleira.

Grænar stöðvar og stæði

Í miðbænum, við Ráðhúsið, Hof og Háskólann á Akureyri er að finna græn bílastæði sem eru einungis ætluð bílum sem geta nýtt íslenska orku. Ein metan eldsneytisstöð er í bænum og er hún staðsett við Miðhúsabraut. Í bænum eru nokkrar hleðslustöðvar fyrir rafbíla sem almenningur getur notað og eru fleiri væntanlegar. 

Stígar og gönguleiðir

• Nýtt stígaskipulag Akureyrarbæjar
• Gönguleiðir og útivistasvæði
• Kort af hjóla og gönguleiðum