Samgöngur

Stuttar vegalengdir

strætó

Á Akureyri eru vegalengdir stuttar og frítt er að nota almenningssamgöngur bæjarins. Það er því tilvalið að labba, hjóla eða nýta sér strætó. KORTer er smáforrit í síma sem sýnir á korti staðsetningu viðkomandi og það svæði sem er innan fimmtán mínútna, gangandi eða hjólandi. Einnig er hægt að sjá leiðanet strætó í forritinu. 

Frítt í strætó

Unnið er að nýju leiðaneti fyrir strætó en markmiðið með endurskoðun leiðanetsins er að bæta þjónustu og fjölga farþegum. Frekari upplýsingar um endurskoðun leiðanetsins má finna á vefsíðu verkefnisins. Hægt er að skoða nánar ferðir strætisvagna á straeto.is, í smáforriti Strætó fyrir síma og einnig bendum við á Facebook-síðu SVA þar sem hægt er að finna upplýsingar um raskanir á akstri, óskilamuni og fleira.

Grænar stöðvar og stæði

Í miðbænum, við Ráðhúsið, Hof og Háskólann á Akureyri er að finna græn bílastæði sem eru einungis ætluð bílum sem geta nýtt íslenska orku. Ein metan eldsneytisstöð er í bænum og er hún staðsett við Miðhúsabraut. Í bænum eru nokkrar hleðslustöðvar fyrir rafbíla sem almenningur getur notað og eru fleiri væntanlegar. 

Hvar eru hleðslustöðvar á Akureyri? 

Á þessari notendavænu heimasíðu er hægt að skoða myndrænt staðsetningu hleðslustöðva í sínu nágrenni. 

Hleðslustöðvar á Akureyri*:  

Staðsetning Rekstraraðili Hleðslugeta Staða
Skíðasvæðið Hlíðarfjalli Orkusalan / Stoppu stuð 22kW Til staðar
Skrifstofa Orkusölunnar Óseyri 9 Orkusalan / Stoppu stuð 2 x 22kW Til staðar
Norðurorka bílastæði  Ísorka 2 x 22kW Til staðar
Icelandair hótel Þingvallastræti 23 ON hlaða 2 x 22kW Til staðar
Menningarhúsið Hof Strandgötu 12 ON hlaða 150 eða 2 x 75 kW og 62,5 kW Til staðar og fleiri stöðvar væntanlegar
Glerártorg  ON hlaða 50kW Til staðar og fleiri stöðvar væntanlegar
Byko Óðinsnesi 2  ON hleðsla 2 x 22 kW Til staðar
Norðurtorg  Tesla (4-8) x 250 kW Væntanlegar sumar 2021
Sundlaug Akureyrar Skólastíg  Fallorka  2 x 22 kW Til staðar
Amtsbókasafnið Brekkugötu 17  Fallorka  2 x 22 kW Til staðar
Ráðhúsið á Akureyri Geislagötu 9  Fallorka  2 x 22 kW Til staðar
Akureyrarflugvöllur  -  - Hleðslustöðvar áformaðar fyrir árið 2023
 
*Staðan í maí 2021. Auk þess hafa nokkur fyrirtæki og stofnanir sett upp hleðslustöðvar og/eða tengla fyrir sína starfsemi, viðskiptavini og starfsfólk. 
Stígar og gönguleiðir