Skólanefnd

Fyrir fundinn var lagt til kynningar bráðabirgðauppgjör fyrir árið 2011 með skýringum.

Erindi dags. 25. janúar 2012 frá Kristínu Sigurðardóttur leikskólastjóra, f.h. starfsfólks Sunnubóls þar sem sótt er um heimild til að færa áætlaðan skipulagsdag leikskólans þann 6. febrúar 2012 til 18. apríl 2012 vegna fyrirhugaðrar námsferðar starfsfólks til London 18.- 20. apríl nk.

Erindi dags. 1. febrúar 2012 frá Mögnu Guðmundsdóttur f.h. Tónlistarskólans á Akureyri varðandi samstarf Tónlistarskólans og Sinfóníuhljómsveitar Norðurlands vegna tónleika 5. maí 2012. Magna Guðmundsdóttir mætti á fundinn undir þessum lið og gerði grein fyrir erindinu. Þar er óskað eftir styrk að upphæð kr. 400.000 til þess að geta staðið undir launakostnaði við verkefnið. Þá er óskað eftir því að þetta samstarf verði formgert sem árviss viðburður.

Að ósk Loga Más Einarssonar S-lista voru tekin til umræðu ummæli á opinberum vettvangi um samkynhneigð og viðbrögð við þeim ummælum.
Inga Þöll Þórgnýsdóttir lögmaður Akureyrarbæjar mætti á fundinn undir þessum lið.

Erindi dags. 24. janúar 2012 frá Björk Ólafsdóttur f.h. Sambands íslenskra sveitarfélaga þar sem minnt er á Dag leikskólans sem verður haldinn hátíðlegur í leikskólum landsins í fimmta sinn mánudaginn 6. febrúar 2012.
Þá var einnig lögð fram dagskrá leikskólanna á Akureyri þennan dag en hún er mjög fjölbreytt. Þá var skólanefnd afhent veggspjald með upplýsingum um "Dag leikskólans".