Samfélags- og mannréttindaráð

Zane Brikovska verkefnastjóri fjölmenningarmála mætti á fundinn og sagði frá því helsta sem er á döfinni í starfi Alþjóðastofu.

Magnús Viðar Arnarsson formaður Súlna Björgunarsveitarinnar á Akureyri var gestur fundarins undir þessum lið og kynnti nýliðastarf sveitarinnar og samstarf við Skátafélagið Klakk.

Tekinn fyrir 7. liður í fundargerð félagsmálaráðs frá 12. febrúar 2014.
Soffía Lárusdóttir framkvæmdastjóri og Anna Marit Níelsdóttir verkefnisstjóri á búsetudeild kynntu framtíðarhugmyndir varðandi starfsemi félags- og þjónustumiðstöðvar aldraðra í Víðilundi og Bugðusíðu.
Félagsmálaráð leggur til við bæjarráð að stjórn félagsstarfs aldraðra í Víðilundi og Bugðusíðu færist undir samfélags- og mannréttindaráð frá og með 1. júní nk., sbr. greinargerð búsetudeildar dags. 12. febrúar 2014. Þjónustan verði þannig hluti af deild sem fer með annað félags- og tómstundastarf á vegum Akureyrarbæjar.

Félagsmálaráð vísar tillögunni til umsagnar samfélags- og mannréttindaráðs áður en hún fer fyrir bæjarráð.

Lagt fram rekstraryfirlit ársins 2013 fyrir þá málaflokka sem heyra undir samfélags- og mannréttindaráð.

Umræður um forvarnahlutverk félagsmiðstöðva og mögulega styrkingu þess.

Lögð fram til kynningar skýrsla um starfsemi Gæfusporsins á árinu 2013. Gæfusporið er meðferðarúrræði fyrir konur sem orðið hafa fyrir kynferðisofbeldi í æsku og er rekið af Starfsendurhæfingu Norðurlands samkvæmt samningi við Akureyrarbæ.