Lýðheilsa eldri borgara 2023

Sunna Hlín Jóhannesdóttir og Gunnar Már Gunnarsson B-lista óska bókað mikilvægi þess að í vinnu við seinni aðgerðaáætlun í málefnum eldri borgara verði sérstaklega hugað að sértækum aðgerðum til að draga úr einmanaleika og félagslegri einangrun eldri borgara auk þess að hugað verði að sístækkandi hópi eldri borgara við endurskoðun á aðalskipulagi.


Hilda Jana Gísladóttir S-lista og Jana Salóme Ingibjargar Jósepsdóttir V-lista óska bókað:

Einmanaleiki og félagsleg einangrun fólks á öllum aldri getur haft alvarlegar afleiðingar bæði líkamlegar og andlegar. Margar rannsóknir sýna að einmanaleiki og félagsleg einangrun er meiri hjá eldra fólki sem hefur lifað lengur en fjölskyldumeðlimir og vinir og býr eitt. Akureyrarbær ætti markvisst að horfa til úrræða sem geta rofið félagslega einangrun og dregið úr einmanaleika.


Meirihlutinn óskar bókað:

Mikilvægt er að þjónusta við eldra fólk sé góð og fjölbreytt og að virkni íbúa sé öflug í nærsamfélaginu. Það þarf að skoða nýjar og fjölbreyttar lausnir í þjónustu við eldra fólk til að styðja á sem bestan hátt við að efla heilsu og viðhalda líkamlegu, andlegu og félagslegu heilbrigði. Með verkefninu ,,virk efri ár“ er verið að vinna markvisst að því að auka lífsgæði eldri borgara og stuðla að heilbrigðari lífsstíl. Sporna þarf gegn félagslegri einangrun eldra fólks og efla samfélagslega þátttöku þeirra sem þess óska.