Leikskóli í Hagahverfi

Umhverfis- og mannvirkjaráð skipar Ingu Dís Sigurðardóttur M-lista í verkefnislið fyrir verkefnið leikskóli í Hagahverfi. Ráðið óskar einnig eftir því að fræðslu- og lýðheilsuráð skipi einnig í liðið.


Jón Hjaltason óháður óskar bókað:

Undirritaður skorar á bæjaryfirvöld að vega og meta kosti þess að byggja fremur fleiri og smærri leikskóla vítt og breitt um bæinn heldur en stærri og færri.

Fræðslu- og lýðheilsuráð skipar Heimi Örn Árnason D-lista í verkefnislið fyrir verkefnið leikskóli í Hagahverfi.

Umhverfis- og mannvirkjaráð leggur til að sótt verði um nýja hentuga lóð sem þjónar betur framtíðaruppbyggingu á svæðinu, lóðin sem ætluð er í Hagahverfi er of lítil fyrir þá stærð leikskóla sem lagt er til og staðsetning sunnar muni þjóna betur framtíðaruppbyggingu og þeirri stærð sem menn telja að þurfi til rekstrar.

Tekið til umræðu. Fræðslu- og lýðheilsuráð vísar málinu til skipulagsráðs.

Ungmennaráð telur að kostur 2 sé besti og í raun eini ákjósanlegi kosturinn fyrir framtíðarleikskóla þó svo að hinar þrjár lóðirnar gætu fyllt inn sem tímabundin lausn á plássleysi sem er í bænum eins og staðan er núna. Verði einhver þeirra þriggja valin til byggingar leikskóla vill ungmennaráð samt sem áður að lóð 2 verði tekin frá til að framtíðarleikskóli geti risið þar seinna meir. Allar lóðirnar þrjár hafa einhverja kosti en gallarnir eru þó fleiri, að mati ungmennaráðs. Ráðið telur gríðarlega mikilvægt að við byggingu á leikskóla á þeim lóðum verði eftir fremsta megni dregið úr áhrifum og áhættuþáttum sem stafa af mikilli umferð, svifryksmengun, vandamálum vegna veðurfars ásamt öðru.