Oddagata 11 - umsókn um breytingu á deiliskipulagi vegna bílgeymslu

Málsnúmer 2022050700

Vakta málsnúmer

Skipulagsráð - 383. fundur - 15.06.2022

Erindi dagsett 13. maí 2022 þar sem Ragnar Freyr Guðmundsson f.h. Ágústs Leifssonar sækir um breytingu á deiliskipulagi fyrir hús nr. 11 við Oddagötu. Fyrirhugað er að byggja bílgeymslu.

Meðfylgjandi er skipulagsuppdráttur.
Skipulagsráð samþykkir að gerð verði breyting á deiliskipulagi miðbæjar Akureyrar til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum Oddagötu 13 og Gilsbakkavegar 9, 11 og 13.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð - 385. fundur - 10.08.2022

Grenndarkynningu tillögu að deiliskipulagsbreytingu fyrir lóð nr. 11 við Oddagötu lauk þann 22. júlí sl. Breytingin felur í sér að bætt er við byggingarreit fyrir bílgeymslu á lóðinni.

Tvær athugasemdir bárust og eru þær lagðar fram ásamt viðbrögðum umsækjanda við efni athugasemda og drögum að svörum skipulagsfulltrúa við efni athugasemda.
Skipulagsráð samþykkir að gerð verði breyting á deiliskipulagi miðbæjar sem gerir ráð fyrir byggingarreit fyrir bílgeymslu á lóð Oddagötu 11 og skal breytingin vera skv. 2. mgr. 43. gr. skipulagslaga nr. 123/2010 með þeim skilyrðum að hámarks mænishæð verði 4,5 m.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.