Fjárhagsáætlun 2014 - fræðslu- og uppeldismál

Á fundinum var rætt um forsendur og vinnu við gerð fjárhagsáætlunar 2014.

Á fundinum var rætt um forsendur og vinnu við gerð fjárhagsáætlunar 2014. Lögð var fram útgönguspá fyrir árið 2013 og hugsanleg útfærsla á áætlun fyrir árið 2014 með tilliti til þess ramma sem bæjarráð hefur samþykkt fyrir málaflokkinn.

Á fundinum var farið yfir stöðuna við fjárhagsáætlunarvinnu fyrir árið 2014.

Fyrir fundinn var lögð tillaga að fjárhagsáætlun fræðslu- og uppeldismála fyrir árið 2014. Tillagan gerir ráð fyrir því að rekstur ársins rúmist innan útgefins ramma sem er kr. 5.045.701.000. Í tillögunni felst að gjaldskrár hækki um 6% frá næstu áramótum og að þjónustustig skólanna verði með sambærilegum hætti og verið hefur undangengin ár. Þá er gert ráð fyrir því að taka upp hærra gjald í leikskólum umfram 8 klukkustunda dvöl á dag.

Fyrir fundinn var lögð tillaga að fjárhagsáætlun fræðslu- og uppeldismála fyrir árið 2014 til seinni umræðu í skólanefnd. Tillagan gerir ráð fyrir því að rekstur ársins rúmist innan útgefins ramma. Í tillögunni felst að gjaldskrár hækki um 6% frá næstu áramótum og að þjónustustig skólanna verði með sambærilegum hætti og verið hefur undangengin ár.

Lögð fram til kynningar ný útfærsla á fjárhagsáætlun 2014 þar sem tekið hefur verið tillit til þess að bæjarráð ákvað á fundi sínum 5. desember sl. að draga til baka 6% hækkun á vistunargjöldum leikskóla.