Sameinaður leikskóli - Pálmholt og Flúðir

Samþykkt var að boða umsækjanda til viðtals við skólanefnd miðvikudaginn 30. maí nk.

Skólanefnd samþykkir tillöguna samhljóða.

Skólanefnd samþykkir samhljóða að nafn á sameinaðan leikskóla Pálmholts og Flúða verði Pálmholt.

Jafnframt samþykkir skólanefnd samhljóða að nafn á sameinaðan leikskóla Holtakots og Síðusels verði Hulduheimar.

Skólanefnd þakkar öllum þeim aðilum sem að málinu komu.

Foreldraráð Pálmholts fundaði með formanni skólanefndar og fræðslustjóra þann 14. janúar 2013 vegna málsins. Á fundinum gerðu aðilar grein fyrir sínum sjónarmiðum þar sem fram kom hvernig ráðgert var í upphafi að standa að sameiningu leikskólanna Flúða og Pálmholts. Við gerð fjárhagsáætlunar fyrir árið 2013 varð gert ráð fyrir auknu stjórnunarhlutfalli við skólann umfram það sem kjarasamningur gerir ráð fyrir og viðbótartímum vegna vinnu starfsfólks við sameiningarferlið. Að öðru leyti fékk skólinn sömu úthlutun og aðrir skólar innan bæjarins.

Skólanefnd þakkar Ernu Rós Ingvarsdóttur leikskólastjóra í Pálmholti og Snjólaugu Pálsdóttur leikskólastjóra í Hulduheimum fyrir framlag þeirra til sameiningar leikskólanna og fyrir kynninguna.