Félagsmálaráð

Félagsmálaráð skoðaði húsakynni HAK í Hafnarstræti 99 og starfsemi sem þar fer fram.

Katrín Árnadóttir félagsráðgjafi á fjölskyldudeild og Guðrún Sigurðardóttir framkvæmdastjóri á fjölskyldudeild kynntu áfrýjanir í fjárhagsaðstoð.

Margrét Guðjónsdóttir framkvæmdastjóri HAK kynnti drög að þjónustusamningi milli Akureyrarbæjar og Sjúkratrygginga Íslands um heilsugæsluþjónustu. Þessi samningur er framhald af þjónustusamningi frá desember 2007 og gildir fyrir árin 2008-2011. Samningurinn byggir á kröfulýsingu frá Velferðarráði um þjónustu heilsugæslustöðva.

Margrét Guðjónsdóttir framkvæmdastjóri HAK kynnti stefnumótunardrög fyrir heilbrigðisstofnanir á Norðurlandi sem verið er að vinna á vegum samráðsnefndar heilbrigðisumdæmis Norðurlands. Gert er ráð fyrir að skýrsla liggi fyrir í sumarbyrjun 2011.

Margrét Guðjónsdóttir framkvæmdastjóri HAK kynnti skýrslu um stöðu á jafnréttismálum á HAK fyrir árið 2010.

Margrét Guðjónsdóttir kynnti samantekt á formlegri móttöku kvartana á HAK fyrir árið 2010.

Margrét Guðjónsdóttir framkvæmdastjóri og Þórir V. Þórisson yfirlæknir HAK fóru yfir stöðu og horfur á HAK. Sérstaklega var farið yfir málefni heimahjúkrunar og heimilislækninga. Álag hefur aukist á starfsmenn HAK og vantar þó nokkuð upp á að nægileg læknamönnun sé miðað við íbúafjölda. Það kemur fram í lengri bið eftir tímum hjá læknum og læknar eiga erfitt með að sinna erindum eins og til þarf. Streitutengd vandamál sjúklinga virðast fara vaxandi. Einnig voru kynntar rannsóknir og aðferðir um mikilvægi hreyfingar sem meðferðarforms við ýmsa almenna sjúdóma.