Yfirlit frétta

Fyrr í dag var undirritaður samningur Akureyrarbæjar og Húsheildar ehf. um hönnun og byggingu leikskóla við Naustagötu í Hagahverfi ásamt frágangi á leiksvæði, leiktækjum, bílastæði og öðru á lóð. 

Á vordögum gerði fræðslu- og lýðheilsusvið Akureyrarbæjar samning við Menntavísindasvið Háskóla Íslands vegna starfa og dvalar dansks farkennara að nafni Tina Møller á Akureyri yfir skólaárið 2024-2025. Um er að ræða danskt-íslenskt samstarfsverkefni en bæði danska- og íslenska menntamálaráðuneytið koma að því að styrkja þetta verkefni.

Bæjarráð hefur heimild til fullnaðarafgreiðslu mála í júlí og ágúst 2024 sbr. bókun í 1. lið fundargerðar bæjarstjórnar 18. júní sl. Bæjarráð samþykkir að gerð verði breyting á aðalskipulagi Akureyrar 2018-2030 til samræmis við erindið og tekur undir bókun skipulagsráðs þess efnis að um óverulega breytingu sé að ræða í samræmi við 2. mgr. 36. gr. skipulagslaga nr. 123/2010.