Krakkar á vinabæjarmótinu á Akureyri 2016.
Norrænt vinabæjarmót ungmenna verður haldið í Randers í Danmörku í sumar frá 25. júní til 1. júlí. Þar mun ungt fólk frá Akureyri, Ålesund í Noregi, Lahti í Finnlandi og Västerås í Svíþjóð koma saman ásamt heimamönnum. Unnið verður að sameiginlegum spennandi og skapandi verkefnum. Ef þú ert á aldrinum 16-20 ára og vilt eignast vini í útlöndum, þá er þetta skemmtilegt tækifæri fyrir þig.
Leitað er að 17 hressum krökkum sem hafa áhuga á leiklist, dansi, söng, tónlist, myndlist, matargerð eða öðrum þroskakostum og vilja nýta hæfileika sína og prófa eitthvað nýtt.
Umsóknarfrestur er til 19. apríl 2017.
Umsóknareyðublað er hér.
Lögheimili á Akureyri er skilyrði en nánari upplýsingar veitir Linda Björk Pálsdóttir í netfanginu lindabjork@akureyri.is.