Skólastarf í grunnskólum að hefjast

Grunnskólar Akureyrarbæjar voru settir í gær og er skólastarf að hefjast samkvæmt stundaskrá í vikunni.

Alls verða hátt í 2.700 nemendur í grunnskólum sveitarfélagsins í vetur. Þar af eru 210 börn að byrja í 1. bekk sem verður fámennasti árgangurinn á skólaárinu. Heilt yfir fækkar nemendum í grunnskólum um 30 á milli skólaára.

Fjöldi barna eftir skólum:

Eins og sjá má verður ekki skólahald í Grímsey í vetur, en nemendafjöldi í Hrísey er svipaður og á liðnu skólaári.

Staðan í skólamálum er heilt yfir góð og er útlit fyrir skemmtilegt, þroskandi og lærdómsríkt skólaár. Mönnun er sem fyrr mjög góð og er yfirgnæfandi meirihluti starfsfólks í grunnskólum Akureyrarbæjar fagmenntaður. Hlutfall fagmenntaðra kennara er áætlað um 98%.

Starfsfólk og stjórnendur skólanna leita sífellt leiða til að þróa skólastarfið og efla samskipti við foreldra með hjálp stafrænna lausna. Af helstu nýjungum sem snúa að foreldrum grunnskólabarna nú í haust má nefna innleiðingu á kerfinu Völu sem er notað til að halda utan um rafrænar skráningar í frístund og mat. Vala verður einnig notuð til að skrá börn í 1.-4. bekk í frístundaakstur sem hefst þegar líður á haustið. 

Covid-19 hefur, eðli málsins samkvæmt, haft áhrif á undirbúning skólastarfs. Aðstæður eru mismunandi í grunnskólunum en sameiginlegt markmið allra er að halda óskertu skólastarfi um leið og nauðsynlegra sóttvarna er gætt.