Þátttakendur í grímuvinnustofunni ásamt Ninnu Þórarinsdóttur. Mynd: Almar Alfreðsson.
Um síðustu helgi fór fram í Listasafninu á Akureyri önnur listvinnustofa verkefnisins Allt til enda - listvinnustofur barna.
Barnamenningarhönnuðurinn Ninna Þórarinsdóttir bauð börnum á aldrinum 6 til 10 ára að búa til sínar eigin grímur.
Eitthvað breytist þegar við setjum á okkur grímu, við verðum eitthvað annað, eins og þegar við skoðum/finnum/hlustum á list. Börnin tóku virkan þátt í öllu ferlinu, allt frá því að leita sér innblásturs, skapa verkið í samstarfi við Ninnu, hengja upp og sýna afraksturinn á sérstakri sýningu sem sett var upp í safnfræðslurými Listasafnsins.
Verkefnið er styrkt af Barnamenningarsjóði Íslands og Akureyrarbæ. Þar fá börn á grunnskólaaldri tækifæri til að láta ljós sitt skína á sinni eigin sýningu sem þau búa til og undirbúa frá upphafi til enda.
Næsta listvinnustofa verkefnisins verður haldin 20.-21. mars en það er Ljósmyndavinnustofa með Siggu Ellu Frímannsdóttur ljósmyndara. Allar nánari upplýsingar má finna á www.listak.is.
Sýnendur grímuvinnustofunnar eru:
- Ada Sóley Ingimundardóttir f. 2013
- Bríet Þóra Karlsdóttir f. 2011
- Hallgerður Thea Árnadóttir f. 2014
- Hákon Geir Snorrason f. 2013
- Hrafney Eiríksdóttir f. 2014
- Jóhann Örn Westin f. 2012
- Júlía Guðlaug Kristinsdóttir f. 2012
- Júníana Westin f. 2010
- Karen Sólveig Pétursdóttir f. 2013
- Milo Wieczorek f. 2014
- Mía Almarsdóttir f. 2012
- Sóldís Áslaug Ingadóttir f. 2012
Hægt er að sjá sýningu barnanna á Listasafninu til 14. mars.
Allt til enda er samstarfsverkefni Listasafnsins á Akureyri, Akureyrarstofu og Barnamenningarsjóðs Íslands.
Smellið á myndirnar að neðan til að sjá stærri útgáfur þeirra og fletta á milli.