Gaman í götunni

Drjúgan hluta sumars er göngugatan í miðbænum lokuð fyrir umferð vélknúinna ökutækja með það fyrir augum að fólk fái notið sín og mannlífið blómstri.

Göngugatan er einungis opin fyrir fótgangandi sem hér segir:

• Júní og ágúst: Fimmtudaga, föstudaga og laugardaga frá kl. 11-17
• Júlí: Alla daga frá kl. 11-17

Vörumóttaka er ætluð utan þessa tíma.

Aðkoma fyrir fatlaða að göngugötunni er að norðan, frá Brekkugötu.

Allir sem vilja nota göngugötuna til leikja og skemmtilegra viðburða í sumar eru hvattir til að láta slag standa og hafa samband við Akureyrarstofu sem veitir nánari upplýsingar. Netfangið er akureyrarstofa@akureyri.is.