Dvergaholt 1 - umsókn um breytingu á deiliskipulagi

Erindi dagsett 5. maí 2023 þar sem Fanney Hauksdóttir f.h. Brynju leigufélags sækir um breytingu á deiliskipulagi fyrir lóð nr. 1 við Dvergaholt.

Sótt er um hækkun húss um eina hæð sem skal vera inndregin.

Meðfylgjandi eru minnisblað og greinargerð.

Lagt fram erindi Guðbrands Sigurðssonar framkvæmdastjóra Brynju leigufélags ses. dagsett 23. júní 2023 um tillögu að samningi um uppbyggingu á lóð nr. 1 við Dvergaholt. Samkvæmt deiliskipulagi er heimilt að byggja allt að tólf íbúða fjölbýlishús á lóðinni og væri þá miðað við að fimm íbúðir yrðu í eigu Brynju leigufélags en að aðrar íbúðir yrðu seldar á almennum markaði með skilyrðum um hlutdeildarlán.