Verkefnið Römpum upp Ísland

Erindi dagsett 28. mars 2022 frá Óskari Helga Þorleifssyni fyrir hönd stjórnar Römpum upp Ísland. Markmiðið með verkefninu er að auka aðgengi hreyfihamlaðra að þjónustu, verslun og veitingahúsum á Íslandi. Stofnunin styrkir einkaaðila til að koma upp römpum eða annars konar lausnum við innganga sína. Óskað er eftir samstarfi við sveitarfélög um verkefnið.

Málfríður Þórðardóttir F-lista lagði fram eftirfarandi fyrirspurn:

Erindi frá Óskari Þór Þorleifssyni fyrir hönd stjórnar "Römpum upp Ísland" var tekið fyrir á bæjarráðsfundi 7. apríl sl. og var bæjarstjóra falið að afla nánari upplýsinga um verkefnið. Óskað er eftir því að fá upplýsingar um það hvort Akureyrarbær muni taka þátt í þessu mikilvæga verkefni og hvort nú þegar einhverjir rampar hafi verið teknir í notkun og vígðir á Akureyri. Flokkur fólksins telur það mikilvægt að Akureyrarbær sé sýnilegur og fyrirmynd fyrir önnur bæjarfélög þegar kemur að því að bæta aðgengi fatlaðra að allri þjónustu í bænum.

Steindór Ívar Ívarsson forstöðumaður viðhalds mætti á fundinn og sagði frá stöðunni á verkefninu.