Heimsóknir atvinnumálanefndar

Atvinnumálanefnd fór í lok fundarins í heimsókn til Atvinnuþróunarfélags Eyjafjarðar og fékk þar kynningu á starfsemi félagsins og helstu verkefnum þess.

Atvinnumálanefnd heimsótti í upphafi fundar Markaðsstofu Norðurlands og flugklasann Air66 og fékk þar kynningu á starfsemi þeirra og helstu verkefnum.

Rektor Háskólans á Akureyri, Eyjólfur Guðmundsson, mætti til fundar með atvinnumálanefnd sem ræddi um mikilvægi háskólans sem hluta af atvinnustarfsemi sveitarfélagsins og landsbyggðarinnar allrar.

Á fundinum voru þrjú fyrirtæki á Akureyri heimsótt sem eiga það sameiginlegt að framleiða orku og verðmæti úr úrgangi.
Guðmundur Haukur Sigurðarson framkvæmdastjóri Vistorku skipulagði heimsóknirnar og leiddi ferðina.
Byrjað var á heimsókn til Moltu þar sem lífrænum úrgangi Akureyringa er breytt í moltu, þaðan var haldið í Orkey þar sem steikingarolía og önnur fita er notuð til að búa til lífdísel. Þá var farið í heimsókn til GPO sem vinnur að því að taka úrgangsplast og breyta í olíu. Að lokum sagði Guðmundur Haukur frá metanframleiðslu Norðurorku.