Bæjarráð

3500. fundur 31. mars 2016 kl. 08:30 - 09:11 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Gunnar Gíslason
  • Preben Jón Pétursson
  • Sóley Björk Stefánsdóttir áheyrnarfulltrúi
Starfsmenn
  • Heiða Karlsdóttir fundarritari
Dagskrá
Sóley Björk Stefánsdóttir V-lista mætti á fundinn kl. 08:37.

1.Hjallalundur 15a - kauptilboð

2016030118

2. liður í fundargerð stjórnar Fasteigna Akureyrarbæjar dagsett 18. mars 2016:

Lagt fram samþykkt kauptilboð í Hjallalund 15a dagsett 10. mars 2016 sem á að verða hluti af félagslegu leiguíbúðakerfi Akureyrarbæjar.

Stjórn Fasteigna Akureyrarbæjar samþykkir kauptilboðið fyrir sitt leyti og vísar málinu áfram til bæjarráðs.

Dan Jens Brynjarsson fjármálastjóri sat fund bæjarráðs undir þessum lið.
Bæjarráð samþykkir framlagt kauptilboð.

2.Forvarnastarf - samstarf Akureyrarbæjar og Eldvarnabandalagsins

2015060111

Lögð fram drög að samkomulagi Akureyrarbæjar og Eldvarnabandalagsins um samstarf um þróun og aukningu eldvarna. Samkomulagið snýst meðal annars um innleiðingu og framkvæmd eigin eldvarnaeftirlits hjá stofnunum Akureyrarbæjar og þróun verkferla og fræðslu í því sambandi.

Dagný Magnea Harðardóttir skrifstofustjóri Ráðhúss sat fund bæjarráðs undir þessum lið.
Bæjarráð samþykkir samkomulagið.

3.Lánasjóður sveitarfélaga - aðalfundur 2016

2016030176

Erindi ódagsett frá Lánasjóði sveitarfélaga ohf, þar sem boðað er til aðalfundar föstudaginn 8. apríl 2016 kl. 15:30 á Grand Hótel Reykjavík. Vakin er athygli á því að rétt til að sækja aðalfund eiga allir sveitarstjórnarmenn.
Bæjarráð felur bæjarstjóra að fara með umboð Akureyrarbæjar á fundinum.

Fundi slitið - kl. 09:11.