Félagsstarf 60+

Í ljósi hertari reglna vegna Covid 19 þá er lokað hjá okkur í Víðilundi og Bugðusíðu næstu tvær vikur eða þar til við fáum ný fyrirmæli og við náum tökum á ástandinu.

Við munum bjóða upp á hádegismat eins og áður .

Munum að njóta þess sem við höfum þó vissulega sé hert að okkur þessa dagana.

Saman getum við þetta.

Hlýjar kveðjur til ykkar .

 

 

 

 

Akureyrarbær rekur líflegt og skemmtilegt starf í þjónustu- og félagsmiðstöðinni í Víðilundi 22 og Félag eldri borgara á Akureyri gerir slíkt hið sama í Bugðusíðu 1 samkvæmt samningi þar um.

Félagsmiðstöðvarnar eru opnar fólki frá 60 ára aldri. Starfsemin er í stöðugri þróun með það að leiðarljósi að skapa fjölbreytni og mæta þörfum þeirra sem þangað sækja.

Opið er alla virka daga frá kl. 9-16, aðgangur ókeypis.

Í boði er fjölbreytt starfsemi, ýmiskonar námskeið, handverk, afþreying af ýmsu tagi og hreyfing auk fjölbreyttra viðburða. Bæklingur um starfsemi félagsmiðstöðvanna liggur frammi á báðum stöðum og í þjónustuveri bæjarins í Ráðhúsinu Geislagötu 9.

Í félagsmiðstöðvunum er starfandi notendaráð sem í sitja fimm fulltrúar og þrír varamenn. Kosið er í ráðið á hverju vori úr virkum hópi þeirra sem sækja staðina. Hlutverk notendaráðs er að vera talsmenn fólksins sem nýtir félagsmiðstöðvarnar og taka við ábendingum og tillögum um starfsemina. Einnig hefur ráðið veg og vanda að ýmsum viðburðum í samvinnu við forstöðumann og starfsfólk félagsmiðstöðvanna.

Í Bugðusíðu hefur Félag eldri borgara aðsetur og vinnur í nánu samstarfi við forstöðumann að uppbyggingu og starfsemi félagsmiðstöðvarinnar.

Einnig er boðið upp á félagsstarf í Hlíð fyrir þá sem þar dvelja.

Bæklingur haust 2020

Verðskrá fyrir Víðilund og Bugðusíðu 2019

Aðsetur:                   Félagsmiðstöð við Víðilund 22 og Félagsmiðstöð við Bugðusíðu 1.
Opnunartími:           Alla virka daga kl. 9-16.
Sími:                        Víðilundur 462-7998 / Víðilundur eldhús 595-8021 /Bugðusíða 462-6055.
Forstöðumaður:      Halla Birgisdóttir Ottesen, netfang hallabirgis@akureyri.is

 

Um Félag eldri borgara á Akureyri.

Síðast uppfært 12. nóvember 2020