Hlíðarfjall - umsókn um breytingu á deiliskipulagi

Málsnúmer 2023050271

Vakta málsnúmer

Skipulagsráð - 402. fundur - 10.05.2023

Erindi dagsett 5. maí 2023 þar sem Ómar Ívarsson sækir um breytingu á deiliskipulagi fyrir skíðasvæðið í Hlíðarfjalli.

Breytingin felst í aukningu á hámarksbyggingarmagni úr 1.000 m² í 1.065 m², hækkun á nýtingarhlutfalli úr 0,333 í 0,355 og breytingu á leyfilegum fjölda hæða úr einni í tvær.

Meðfylgjandi er deiliskipulagsuppdráttur.
Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu sbr. 44. gr. laganna. Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.