Sjafnargata 1A og 1B - umsókn um breytingu á deiliskipulagi

Málsnúmer 2022120292

Vakta málsnúmer

Skipulagsráð - 393. fundur - 14.12.2022

Erindi dagsett 6. desember 2022 þar sem Ingólfur Freyr Guðmundsson f.h. Klettáss ehf. sækir um breytingu á deiliskipulagi fyrir lóðir nr. 1A og 1B við Sjafnargötu. Breytingin felur í sér eftirfarandi:

- Nýtingarhlutfall hækkar úr 0,3 í 0,4.

- Hús verða á einni hæð en leyfilegt verður að byggja millipall.

- Mænishæð verður óbreytt en hámarksvegghæð hækkar í 8,0 m og leyfilegt verður að hafa flöt eða einhalla þök.

Meðfylgjandi er uppdráttur.
Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu skv. 44. gr. laganna þar sem verið er að breyta skilmálum til baka í upphaflega skilmála. Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.