Hlíðarvellir 1 - umsókn um breytingu á deiliskipulagi

Málsnúmer 2022111539

Vakta málsnúmer

Skipulagsráð - 393. fundur - 14.12.2022

Erindi dagsett 29. nóvember 2022 þar sem Fanney Hauksdóttir f.h. atNorth ehf. sækir um breytingu á deiliskipulagi fyrir lóð nr. 1 við Hlíðarvelli. Breytingin felur í sér að bætt er við byggingarreit fyrir varaaflstöð á norðurhluta lóðarinnar. Meðfylgjandi er skýringarmynd.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu sbr. 44. gr. laganna þar sem gert er ráð fyrir að varaaflstöð verði felld inn í fyrirhugaða jarðvegsmön og gróður. Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.