Eyrarlandsvegur 12 og 14 - umsókn um breytingu á deiliskipulagi

Málsnúmer 2022110835

Vakta málsnúmer

Skipulagsráð - 393. fundur - 14.12.2022

Erindi dagsett 17. nóvember 2022 þar sem Hólmgeir Þorsteinsson sækir um breytingu á deiliskipulagi fyrir Eyrarlandsveg 12 og 14. Breytingin felur í sér tilfærslu á lóðamörkum og stækkun byggingarreits fyrir bílgeymslu á lóð nr. 14. Meðfylgjandi eru uppdráttur og samþykki eigenda.
Skipulagsráð samþykkir að gerð verði breyting á deiliskipulagi til samræmis við erindið með fyrirvara um að áður liggi fyrir skriflegt samþykki allra eigenda lóðanna. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum Möðruvallastrætis 1A.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.